×
  • Ekonomi
  • Ekonomi

    Së shpejti udhëzimi administrativ për heqjen e pagesës së tatimit, që është kusht për regjistrimin e automjeteve

    FrontOnline
    18 Shtator 2020

    Përfaqësues të Ministrisë së Financave kanë thënë se së shpejti pritet udhëzimi administrativ për heqjen e pagesës së tatimit, që ishte si kush për regjistrimin e automjeteve. Por, në anën tjetër përfaqësuesit e komunave po vazhdojnë ta kundërshtojnë këtë nismë. Sipas tyre kushtëzimet janë treguar efikase për të inkasuar tatimin në pronë

    Qytetarët e Republikës së Kosovës për t’iregjistruar veturat në Qendrat e Regjistrimit të Automjeteve, janë të obliguar të paguajnë edhe tatimin në pronë. Ky kusht po shihet si shkelje e të drejtave dhe lirive të njeriut, sepse është vlerësuar se Republika e Kosovë ka mënyra tjera për t’i arkëtuar mjetet e tatimit në pronë për qytetarët e Kosovës. Lidhur më këtë, Avokati i Popullit, në vitin 2017 ka dërguar në Ministrinë e Financave një raport me rekomandime, me të cilin ka këshilluar Ministrinë e Financave ta ndryshojë Udhëzimin Administrativ nr. 07/2011 për urdhëresat e ndalimit të shërbimeve komunale për detyrimin e pagesës së tatimit në pronë: a) duke e fshirë pikën 1.3 të paragrafit 1 të nenit 2; b) duke e fshirë paragrafin 2 të nenit 2; dhe c) duke e fshirë fjalinë e fundit nga paragrafi 1 i nenit 5, “Komuna nuk duhet t’i kryej këto shërbime përderisa nuk është paguar tatimi në pronë.

    Në një përgjigje me shkrim nga Ministria e Financave kanë thënë se e kanë shqyrtuar raportin e Avokatit të Popullit lidhur me këtë çështje dhe janë në procesin e nxjerrjes së një Udhëzimi  Administrativ të ri. “Kemi shqyrtuar rekomandimet e Avokatit të Popullit të dhëna në raportin e vitit 2017 lidhur me çështjen e theksuar dhe jemi në procesin e nxjerrjes së Udhëzimit Administrativ të ri”, thuhet në përgjigjen e MF-së, ka raportuar “Front Online”. Nga kjo Ministri kanë bërë të ditur se gjithashtu janë duke e hartuar edhe Ligjin e Ri për Tatimin në Pronën e Paluajtshme. “Në vitin 2018 kemi nxjerr Ligjin e Ri Bazik që rregullon fushën e tatimit në pronë, i cili reformon në masë të madhe procesin e tatimit në pronën e paluajtshme dhe tani jemi në procesin e kompletimit të legjislacionit sekondar”, thuhet më tej në përgjigjen e tyre.

    Kundër shfuqizimit të Udhëzimit Administrativ që është në fuqi, i cili i obligon qytetarët ta paguajnë tatimin në pronë me rastin e regjistrimit të veturave, janë shprehur drejtorët e Drejtorive të Financave në Komunat e Kosovë, në kuadër të cilave është edhe pagesa e tatimit në pronë. Drejtori i Ekonomisë dhe Financave në Komunën e Mitrovicës, Shukri Gashi, për “FrontOnline” u shpreh:  sikur qytetarët e Kosovës do t’i paguanin detyrimet e tyre pagesa e tatimit  nuk do të duhej të ishte kusht. “Nëse qytetarët e Kosovës do të kishin qenë më të përpiktë për të gjitha pagesat, kjo nuk ish dashtë me qenë si kusht. Të gjithë kanë para me pagu veturën, por thonë se nuk kemi para me paguar tatimin në pronë. Për mendimi tim vetura është mëllukës se shtëpia. Mendimi im është sikur qytetarët, por edhe unë të kishim qenë më të vetëdijshëm se tatimin në pronë dhe detyrimet tjera me i pagu, nuk ish dashtë me qenë kjo si kusht”, tha ai për “Front Online”. Ndërsa, drejtori i Ekonomisë dhe Financave në Komunën e Vushtrrisë, Lutfi Gërguri, tha se në rast se shfuqizohet udhëzimi administrative i cili i obligon qytetarët ta paguajnë tatimin në pronë për t’i regjistruar veturat, do të jetë rrezik për të hyrat e Komunës. “Unë mendoj se nuk duhet me u largu pasi që me lënë ashtu qytetarëve vetëm po u grumbullohen borxhet. Me u largu ky detyrim është rrezik me ra të hyrat e Komunës, dhe në rast se hiqet kjo ne duhet qët’idetyrojmë me përmbarues dhe kjo është me e rrezikshme për qytetarët”, u shpreh ai për Front Online.

    Deri më 31 gusht të këtij viti, kryetari i Prishtinës, Shpend Ahmeti, kishte hequr kushtin e pagesës së tatimit në pronë për shkak të radhëve të gjata para komunës në kohë pandemie me Covid-19. Por, ai në një paraqitje të tij vlerësoi se pagesa e tatimit në pronë në këtë formë është mënyra më efikase për ta mbledhur tatimin në pronë e që është pjesë e rëndësishme për komunën e Prishtinës ngase mblidhen gati 10 milionë euro në vit.

     

    Me rastin e Black Friday, 28 Nëntorit dhe 32 vjetorin e kompanisë, Petrol Company me çmime marramendëse në derivate dhe…
    Nga Rubrika
    Ekonomi17 Prill 2024
    Guvernatori i Bankës Qendrore të Republikës së Kosovës, Ahmet Ismaili është takuar me drejtorin e Departamentit të Statistikave dhe njëherësh kryestatisticientin e...
    Ekonomi16 Prill 2024
    Guvernatori i Bankës Qendrore të Republikës së Kosovës (BQK), Ahmet Ismaili, u mirëprit në selinë e Bankës Botërore nga zëvendëspresidenti dhe njëherësh...
    Ekonomi15 Prill 2024
    Ministri i Financave, Hekuran Murati ka njoftuar se një muaj nga lansimi i masës së punësimit për komunat në veri janë regjistruar...
    Të tjera
    Opinione18 Prill 2024
    Burimi: The Guardian (Titulli origjinal: Netanyahu faces tough questions on Iran – because we Israelis don’t need any more forever wars) Shkruan:...
    Vip18 Prill 2024
    ‘Big Love’ është rikthyer përsëri dhe në këtë edicion të formatit më të ndjekur të ‘BBV3’. Pasditen e sotme, banorët janë mbledhur...
    Vip18 Prill 2024
    Juliana Nura, një ndër bukuroshet që mori pjesë në shtëpinë e “Big Brother VIP Kosova 1”, ka thumbuar aktorin Vedat Bajrami, me...
    Sport18 Prill 2024
    Real Madrid dhe Bayern Munchen, i kompletuan mbrëmë çiftet gjysmëfinaliste të UEFA Champions League. Këto dy skuadra pikërisht do të përballen me...
    Lajme18 Prill 2024
    Sot në Kuvendin e Kosovës do të bëhet konstituimi i Komisionit Hetimor Parlamentar për procesin e subvencionimit të blerjes së teksteve shkollore...
    Lifestyle18 Prill 2024
    Dashi Do të përfshiheni në një debat mjaft të ndezur, i cili rrezikon që të kthehet agresiv. Mundohuni që të mos keni...

    FrontOnline, © 2024 Të gjitha të drejtat e rezervuara.