Qeveria e Kosovës, sot në mbledhjen e mbajtur, ka marrë një sër vendimesh për parandalimin e përhapjes së coronavirusit, raporton portali FrontOnline.

Qeveria, ka vendos që të merr masa edhe ndaj disa shteteve të rajonit, qytetarët e të cilave do të hyjnë në Kosovë.

Në vendimin e  Qeveris të aprovuar sot, thuhet se shtetasit e Malit të Zi, Maqedonisë së Veriut dhe Bosnjë dhe Hercegovinës gjatë hyrjes në Kosovë duhet që ta prezantojnë vërtetimin për testin për coronavirus të bërë para 72 orësh.

“Prezantimin e vërtetimit për test RT-PCR negativ gjatë hyrjes në Republikën e Kosovës, të bërë më së largu para 72 orësh, janë të obliguar ta bëjnë shtetasit e Malit të Zi, Maqedonisë së Veriut dhe Bosnjë dhe Hercegovinës që kanë të rregulluar leje qëndrimin e përkohshëm ose të përhershëm në Republikën e Kosovës dhe ata që kanë të caktuar termine për mjekim në institucione shëndetësore të RKS-së dhe bartësit e dokumenteve personale të lëshuara nga Republika e Kosovës mirëpo me adresë vendbanimi në njërin nga shtetet e cekura në këtë vendim” thuhet në vendimin e Qeverisë së Kosovës.