Ministri i shëndetësisë, Armend Zemaj, ka uruar homologun e tij nga Maqeonia e Veriut,Venko Filipçe, për rizgjedhjen në krye të Ministrisë së Shëndetësisë.

“Ju lusim të pranoni urimet e mia më të përzemërta me rastin e formimit të Qeverisë së re të Republikës së Maqedonisë së Veriut dhe për rizgjedhjen tuaj në postin e Ministrit të Shëndetësisë” shkruan Zemaj .

Tutje Zemaj ka shkruar se pret me padurim të takohet me ministrin Filipçe për t’i dhënë një shtytje të re bashkëpunimit dhe angazhimeve të përbashkëta për përballimin e situatës me Covid -19, si në Republikën e Maqedonisë, ashtu edhe në Republikën e Kosovës.

Njoftimi i plotë i MSH-së:Ministri Zemaj uron homologun e tij Filipçe për rizgjedhjen në detyrën e Ministrit të ShëndetësisëPrishtinë, 1 shtator 2020

I nderuari Ministër i Shëndetësisë i Republikës së Maqedonisë së Veriut, z. Venko Filipçe

Ju lusim të pranoni urimet e mia më të përzemërta me rastin e formimit të Qeverisë së re të Republikës së Maqedonisë së Veriut dhe për rizgjedhjen tuaj në postin e Ministrit të Shëndetësisë.

Ne konsiderojmë se ky është një hap shumë i rëndësishëm në forcimin e demokracisë në shtetin tuaj dhe një shprehje e besimit dhe e vlerësimit për punën tuaj në detyrën e rëndësishme të Ministrit të Shëndetësisë.

Me dëshirat për sukses të plotë gjatë mandatit tuaj të ri dhe duke ju përgëzuar për angazhimet në menaxhimin e pandemisë Covid-19, unë pres me padurim që të ju takojë sa më parë që ka mundësi, qoftë në Shkup apo në Prishtinë, për t’i dhënë një shtytje të re bashkëpunimit tonë dhe angazhimeve të përbashkëta për përballimin e situatës me Covid -19 si në Republikën e Maqedonisë, ashtu edhe në Republikën e Kosovës.

Ju dëshirojmë shëndet të plotë dhe suksese në mandatin tuaj për një shëndetësi sa më të avancuar dhe në shërbim të gjithë qytetarëve të Republikës së Maqedonisë së Veriut.

Sinqerisht,
Armend Zemaj,
Ministër i Shëndetësisë i Republikës së Kosovës