Katër raste të reja sonte janë paraqitur në Komunën e Vushtrrisë.

Kryetari Xhafer Tahiri për RTV Dukagjinin thotë se pos këtyre rasteve edhe 20 pacientë të tjerë janë shëruar në këtë komunë.

“Kemi pasur edhe një rast vdekje që bëhet bashkëqytetari ynë i katërt që humb jetën nga infeksioni i COVID-19”, tha ai, përcjell Telegrafi.

Tahiri thotë se janë edhe një numër i madh i qytetarëve të Vushtrrisë në pritje për t’u ritestuar pasi sipas tij e kanë kaluar kohën që nevojitet për shërim nga coronavirusi.

I pari i Vushtrrisë thotë se në këtë komunë janë rreth 150 raste aktive dhe mbi 160 të shëruar nga coronavirusi.

Tahiri thotë se ka filluar fushata për shpërndarjen e 10 mijë maskave falas për qytetarët e Vushtrrisë për ta përballuar coronavirusin sa më lehtë.