Shqiptari nga Kosova që jeton në Japoni, Mithat Haxhiislami, i njohur me nofkën Miki, ka thënë sot shteti japonez po e përballon shumë më lehtë pandeminë COVID-19 se shtetet e Evropës dhe Shtetet e Bashkuara të Amerikës.

Haxhiislami tregoi se janë tri gjëra që kanë bërë që japonezët ta kalojnë më lehtë këtë situatë dhe ato janë kultura e bartjes së maskës, jo përqafimi dhe zbathja e këpucëve para se me hy në shtëpi.

“Ka edhe elemente tjera që ndikojnë por këto po dalin të jenë kryesoret”, tha ai.

Haxhiislami bëri të ditur se Japonia në shumicën e prefekturave ka larguar masën e jashtëzakonshme, masë kjo që ka qenë më e lehtë se në vendet tjera.

Ai tha se janë diku rreth 120 shqiptarë që jetojnë atje dhe sa ka informacione nuk ka janë prekur nga coronavirusi.

Afaristi nga Kosova duke folur për shqiptarët në Japoni tha se shumica janë nga Shqipëria, por ka edhe nga Kosova.

Sipas tij, ata janë të orientuar në edukim dhe shumica janë asistentë në universitete. /RTVDukagjini/