×
  • Lajme
  • Lajme

    Pritjet e Odës Ekonomike Amerikane nga takimi në “Shtëpinë e Bardhë”: Marrëveshjet ekonomike i japin Kosovës mundësi për tregti në BE

    FrontOnline
    02 Shtator 2020

    Kryetari i Odës Ekonomike Amerikane, Arian Zeka në një përgjigjie për Gazeta Blic u deklarua për pritjet e takimit të 4 shtatorit në Washington, ndërmjet delegacionit të Kosovës dhe atij të Serbisë, nën ndërmjetësimin e SHBA-së.

    Sipas Zekës, ky takim është mundësi e mirë për marrëveshje ekonomike që heqë barrierat teknike e politike për të bërë biznes.

    “Takimi i Uashingtonit ofron një mundësi mirë për Kosovën dhe Serbinë që nën ndërmjetësimin e Shteteve të Bashkuara të Amerikës të arrijnë marrëveshje në fushën e ekonomisë e cila do të ndihmonte në tejkalimin e barrierave teknike dhe politike që pengojnë të bërit biznes ndërmjet dy vendeve dhe rrjedhimisht pengojnë edhe investimet e huaja”, tha Zeka

    Sipas tij, Kosova e Serbia e kanë tani mundësinë e zbatimit të marrëveshjeve për transportin hekurudhor, ajror e tokësor.

    “Në të njëjtën kohë, palët kanë mundësi të përcaktojnë modalitetet teknike e zbatimit të marrëveshjeve parimore, respektivisht letrave të synimeve, të nënshkruara në fillim të këtij viti për vendosjen e transportit hekurudhor e ajror si dhe përmirësimin e infrastrukturës rrugore, të cilat do të ndihmonin në përmirësimin e lëvizjes së njerëzve dhe mallrave”, deklaroi ai.

    Zeka tha se këto marrëveshje do i ndihmonin Kosovës për tregti në shtetet e Evropës dhe përfitime financiare nga SHBA.

    “Kjo do të krijonte mundësi të reja për transportimin më efikas të mallrave nga Kosova në shtetet e Evropës. Në rast të marrëveshjeve të suksesshme dhe zbatimit të tyre në praktikë, Kosova dhe Serbia do të mund të përfitonin nga institucionet financiare të Shteteve të Bashkuara të Amerikës”, tha Zeka për Gazeta Blic.Në vazhdim Zeka tregoi se investimet do të fuqizonin rimëkëmbjen ekonomike.

    Sipas tij Oda Amerikane pret që vullneti për negociata do vijë në përfundim me marrëveshje, gjë e cila jep një shëmbëlltyrë më të mirë të rajonit tek investitorët amerikanë.

    “Këto investime në vlera të mëdha do të ishin të një rëndësie të madhe jo vetëm për zhvillimin e infrastrukturës transportuese e energjetike, por edhe do të fuqizonin përpjekjet gjithëpërfshirëse për rimëkëmbjen ekonomike. Oda Amerikane është optimiste se vullneti i të dyja shteteve për të negociuar me njëra tjetrën do të konkretizohet me marrëveshje, duke bërë që të largohen perceptimet negative të investitorëve amerikanë dhe të tjerëve të huaj për këto dy shtete por edhe për shtetet e tjera të Ballkanit Perëndimor”, përfundoi Zeka

    Big Brother VIP Albania në NimiTV
    Nga Rubrika
    Kronika01 Mars 2024
    Një burrë është arrestuar në Prishtinë pasi që i njëjti duke mos i zbatuar urdhërat e ka sulmuar fizikisht një polic të...
    Lajme01 Mars 2024
    Me ftesë të Presidentit të Republikës së Turqisë, Recep Tayyip Erdoğan, Presidentja e Republikës së Kosovës, Vjosa Osmani, ka udhëtuar për në...
    Bota/Rajoni01 Mars 2024
    Këshilltarja politike e Kryeministrit Albin Kurti për Luginën e Preshevës, Ardita Sinani, ka publikuar pamje të rralla kur ishte votuar në Preshevë...
    Të tjera
    Lajme01 Mars 2024
    Sot duke filluar nga ora 09:00 do të mbahet seanca ndaj Ministrit të Brendshëm të Kosovës, Xhelal Sveçla. Ai akuzohet për hedhje...
    Vip01 Mars 2024
    Artistja e njohur shqiptare, Xhensila Myrtezaj është duke përgatitur një projekt të ri muzikor edhe pas raportimeve të shumta për ndarjen nga...
    Lajme01 Mars 2024
    Ish-ministri i Punëve të Jashtme, Behgjet Pacolli ka deklaruar për Front Online se çështja e dinarit nuk është dashur fare të jetë...
    Bota/Rajoni01 Mars 2024
    Ndarja e fondeve për Ukrainën është thelbësore. Kështu deklaroi kreu i Pentagonit, Lloyd Austin, duke nënvizuar se nëse Ukraina humbet luftën, vendet...
    Bota/Rajoni01 Mars 2024
    Pas vrasjeve të ditës së djeshme të banorëve të Gazës nga ushtria izraelite, kur mbetën të vdekur më shumë se 100 palestinezë,...
    Sport01 Mars 2024
    Arda Guler nuk pritet të rrisë rolin e tij në Real Madrid në sezonin e ardhshëm. Reprezentuesi turk ka përjetuar një fillim...

    FrontOnline, © 2024 Të gjitha të drejtat e rezervuara.