Kryetari i Komunës së Deçanit, Bashkim Ramosaj, ka njoftuar se ka stopuar blerjen e dezinfektuesve të shtrenjtë. Në kontratën e nënshkruar thuhet se dezinfektuesit 50ml i ka kushtuar Komunës së Deçanit 4 euro, raporton “Front Online”.
Por, sipas Ramosajt, në kontratën për furnizime me materiale emergjente të natyrës sanitare tek artikulli i dezinfektuesit kishte gabim teknik. Ai thotë se nuk është blerë dezinfektuesi 50ml, por 500ml.
“Shtabi emergjent kërkesën për furnizim të dt.10.04.2020, me nr. Protokolli 8232, këtë artikull nuk e ka kërkuar për furnizim nga operatori ekonomik, pasi që e ka vërejtur gabimin teknik. Njëkohësisht Kryetari i Komunës nxjerr vendim që ky artikull të mos blihet deri sa të përmirësohet ky gabim teknik”, thuhet në njoftimin e Komunës së të Deçanit.
Përndryshe, portali “Front Online” ka shkruar se një dezinfektues për duar 50 mililitërsh Komuna e Deçanit, përmes një procesi të Prokurimit, e ka blerë për 4 euro, deri sa çmimi më pakicë i një dezinfektuesi 500 mililitër, apo edhe 9 herë më madh, është rreth 4 euro.
Komuna e Deçanit një dezinfektues 50 mililitër për duar e blen 4 euro (dokument)
/Front Online/
