[wp-story]

Lajme

Zemaj: Do të bëj çmos që të mos të ketë rikthim të masave kufizuese

Zemaj: Do të bëj çmos që të mos të ketë rikthim të masave kufizuese
12:34 | 19 Qershor 2020

Ministri i Shëndetësisë, Armend Zemaj ka thënë se si ministër i Shëndetësisë do të bëjë çmos që të mos ketë rikthim të masave kufizuese.

Zemaj ka thënë se do të angazhohet që t’ua mundësojë qytetarëve të vendit që të shkojnë drejt mirëqenies, zhvillimit e rikthimit të vendeve të tyre të punës.

Për këtë ai ka kërkuar angazhim edhe nga deputetët gjatë raportimit para Komisionit Parlamentar për Shëndetësi.

“Detyrimisht mandatin e ministrit e kam marrë me përgjegjësi për t’u ballafaquar me probleme dhe jo për t’u ikë problemeve.

Do të bëj çmos, angazhim 24 orë që mos të ketë rikthim të masave në Kosovë, të iu mundësojmë qytetarëve të vendit që të shkojnë drejt zhvillimit, mirëqenies, rikthimit të vendeve të tyre të punës dhe ngritjes në aspektin institucional e intelektual. Ky është qëllimi im, ju kisha lutë që të na ndihmoni në këtë drejtim aq sa keni mundësi dhe aq sa na lejohet”, u shpreh ministri Zemaj.

“M Sillosi” S’ka nëvojë për panik, grurë ka me bollëk

Të tjera