Kompania “Hidroterm” nga Suhareka, e cila është në pronësi të ministrit aktual të Ekonomisë dhe Mjedisit, Blerim Kuqi ka dalë fituese për ndërtimin e objektit spitalor për nënë dhe fëmijën në Prizren.
Ky tender ka qenë i hapur nga SHSKUK-ja dhe ka vlerën pesë milion euro, për këtë ka raportuar Front Online gjatë ditës.
I kontaktuar nga Front Online deputeti nga Vetëvendosje, Artan Abrashi, i cili vie nga Prizreni ka kërkuar që prokuroria të nis hetimet mbi rregullsinë e këtij procesi, si dhe Agjencia Kundër Korrupsion të vlerësojë konfliktin e interesit pasi i përfshirë është ministri Blerim Kuqi.
“Vlera e madhe e kontratës dhe përjashtimi i ofertuesit me te lire lenë hapësire për dyshime te ndërhyrjes ne procedurat tenderuese. Ne raste te tilla, prokuroria duhet te nis hetimet mbi rregullsinë e procesit, dhe njëkohësisht Agjencinë Kundër Korrupsion për vlerësimin e konfliktit te interesit te zyrtareve te larte shtetëror ne tenderë multi-milionshe”, tha ai pwr Front Online.
Në dokumentet e siguruara nga Front Online shihet se në këtë tender kanë konkuruar 4 kompani, por që fituese ka dalë kompania në pronësi të ministrit Kuqi.
Kompania e ministrit Kuçi shpërblehet me tender pesë milionësh (dokument)
