Tre persona nga Novosella e Kamenicës të cilët ishin duke lëvizur me veturë, u ndaluan dje nga policia.

Pas ndalesës, njësiti policor konstatoi se ata kishin lëvizur duke mos respektuar vendimin e ministrisë, shkruan lajmi.net.

Ndaj të dyshuarve, me urdhër të prokurorit është iniciuar lënda e rastit, e të njëjtit pas kontrollit mjekësor janë dërguar në karantinë në Prishtinë.

Sidoqoftë, nuk dihet arsyeja pse të njëjtit u dërguan në karantinë në Prishtinë, kur dihet se e njëjta është e destinuar për personat që vijnë nga jashtë shtetit.

Policia në raportin 24 orësh ndërkaq nuk ka dhënë detaje nëse të njëjtit kishin hyrë ilegalisht në Kosovë.