Bota/Rajoni

Sërish shifra të larta me Coronavirus në Shqipëri, konfirmohen 77 raste pozitive

Sërish shifra të larta me Coronavirus në Shqipëri, konfirmohen 77 raste pozitive
11:36 | 26 Qershor 2020

Vazhdon të mbetet e lartë shifra e infektimeve nga coronavirusi në Shqipëri. Ministria e Shëndetësisë raporton se gjatë 24 orëve të fundit kanë rezultuar pozitivë 77 persona.

Kujtojmë se një ditë më parë u regjistruan 78 raste pozitive, ndërsa shifra më e lartë në Shqipëri u regjistrua pak ditë më parë me 82 të infektuar.

Gjatë ditëve të fundit, përveç shifrave të larta të infektimeve, ka pasur edhe raste të reja në Spitalin Infektiv.

Shpërndarja gjeografike e rasteve të reja është si vijon: Tirana 28 raste, Shkodra 13 raste, Durrësi dhe Korça me nga 5 raste; nga 4 raste Delvina dhe Berati; nga 3 raste në Fier, Kurbin dhe Pukë; nga 2 raste në Elbasan dhe Kamëz; nga 1 rast përkatësisht në Krujë, Tropojë, Librazhd, Gjirokastër, Sarandë. /BW/

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera