Bota/Rajoni

Protesta në Romë, mijëra vetë kundërshtojnë masat anti-Covid 19

Protesta në Romë, mijëra vetë kundërshtojnë masat anti-Covid 19
21:12 | 05 Shtator 2020

Pas Berlinit dhe Londrës protestat anti-covid përfshinë Italinë. Mijëra protestues nga e gjithë Italia zhvilluan një tubim në Romë për të kundërshtuar mbajtjen e maskave të fytyrës, të shikuara si një kufizim i lirive personale.

Protesta u zhvillua pranë monumentit “Goja e së vërtetës”, një nga vendet më të famshme të Romës, ku më shumë se një mijë njerëz valëvitën flamuj italianë.

Shumë prej tyre ishin kundër mbajtjes së maskave të fytyrës, të cilat I shohin si një kufizim të lirive personale.

“Kjo emergjencë, ishte një mënyrë për të vendosur diktaturën, jo vetëm një diktaturë italiane, por botërore. Na bënë të besojmë që maskat të mbrojnë, por kjo nuk është e vërtetë sepse asnjë maskë nuk mund të mbrojë askënd “, tha një protestuese

Të tjerë kundërshtuan mbajtjen e maskave me detyrim për nxënësit e shkollës. Fëmijët do të duhet të përdorin maska kur hyjnë dhe dalin nga shkolla si dhe në korridore, por ato nuk do të jenë të detyrueshme në klasa.

“Kam ardhur këtu sepse mendoj se fëmijët nuk duhet të vendosim maska në shkolla. I gjithë ky alarm është i ekzagjeruar” u shpreh një protestues.

Midis turmës ishin anëtarët e partisë së ekstremit të djathtë Forza Nuova, grupi “Njerëzit e Nënës” dhe gjithashtu aktivistë anti-vaksinës.

Kujtojmë se Italia është një nga vendet më të goditura të Evropës me më shumë se 35,000 vdekje, ndërsa të Shtunën u raportuan 1,695 infeksione të reja me koronavirus.

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Të tjera