Deputetja e PDK-së, Ariana Musliu-Shoshi, ka propozuar që secila grua që lind në spitalet publike të Kosovës të mbështetet me një pako në shumën prej 50 euro, me produkte të cilat janë esenciale për foshnjat e sapolindura.

Propozimi i deputetes Musliu-Shoshi, do të diskutohet sot në Komisionin për Buxhet dhe Financa, për të cilin ajo thotë se pret të merr votën pozitive nga ana e deputetëve të këtij komisioni, në mënyrë që në seancën e radhës të miratohet përfundimisht e të hyjë si nën-kategori buxhetore në buxhetin vjetor për këtë vit dhe të vazhdojë e të rritet shuma në vitet e ardhshme.

Të dashur qytetar,
Të dashura nëna,

Kjo është iniciativa ime e parë si deputete e Kuvendit përmes së cilit kam propozuar që për secilën grua që lind në spitalet publike të Kosovës, të mbështeten me një pako në shumën prej 50 euro, me produkte të cilat janë esenciale për foshnjat e sapolindura si amandament në plotësim-ndryshimin e Ligjit për Buxhetin e Vitit 2020.

Jemi dëshmitarë që familjet kosovare nuk mund t’i përballojnë shpenzimet që mund të dalin për produktet që jenë të nevojshme me rastin e lindjeve. Këtë gjendje e ka rënduar tej mase edhe pandemia Covid-19.

Ky propozim amendament do të diskutohet sot në Komisionin për Buxhet dhe Financa, për të cilin pres që të merr votën pozitive nga ana e deputetëve të këtij komisioni, në mënyrë që në seancën e radhës të miratohet përfundimisht e të hyjë si nën-kategori buxhetore në buxhetin vjetor për këtë vit dhe të vazhdojë e të rritet shuma në vitet e ardhshme.