Cedomir Jovanoviq, politikani liberal serb që edhe e njeh shtetin e Kosovës, ka pësuar debakël në zgjedhjet në Serbi.

Sipas rezultateve preliminare, ai numëron vetëm 0.3% të votave, duke mos siguruar ulëse në parlament.

Në zgjedhjet e fundit të vitit 2017, partia e tij kishte fituar 5.02% të votave.

“E kam ditur se kjo do të ndodhë gjatë zgjedhjeve. Nuk jam i befasuar”, deklaroi Jovanoviq.

“Vuçiq i ka fituar këto zgjedhje por politika është mposhtur. Serbia ka përpara kohë të vështira, të cilat janë vështirësuar edhe më shumë me këto rezultate”, shtoi ai, duke potencuar se ndoshta nuk e ka zgejdhur gjuhën e duhur për të komunikuar me qytetarët.

Partia Liberal-Demokrate e Jovanoviq ishte udhëheqëse e “Koalicionit të Paqes”, koalicion ky që nuk arriti të futet në parlament.