Shtabi mjekësor për luftimin e pandemisë globale në Serbi ka publikuar të dhënat e fundit.
Në 24 orët e fundit, 238 raste të reja të infeksionit të coronavirusit janë regjistruar në Serbi, raporton b92.
Gjithashtu është bërë e ditur se pesë persona kanë vdekur në spitalet e ndryshme të shtetit serb, transmeton Telegrafi.
Theksojmë se nga raportimi i fundit tashmë numri i të testuarve është rritur edhe për 8.529 njerëz.
Ndryshe, kujtojmë se gjatë ditës së djeshme ishin konfirmuar 235 raste dhe katër pacientë kishin ndërruar jetë.
