Në 75-vjetorin e themelimit të Këshillit të Evropës, kryeministri i Kosovës, Albin Kurti ka kujtuar themelimin e organizatës më të vjetër në Evropë, Këshillit të Evropës.
Përmes një postimi në rrjetin social, X, Kurti tha se ky vit shënon plotësimin e kritereve nga Kosova për anëtarësim dhe kjo nënkupton forcën e demokracisë sonë dhe sundimin e ligjit.
“Sot, 75 vjet më parë, u themelua Këshilli i Evropës organizata kryesore e kontinentit për të drejtat e njeriut. Ky vit shënon njohjen e Kosovës si një vend që plotëson kriteret për t’u bashkuar, duke nënkuptuar forcën e demokracisë sonë, sundimin e ligjit dhe përgjegjësinë tonë të përbashkët ndaj të drejtave të njeriut”, ka shkruar Kurti.
