Bota/Rajoni

Përjashtohet për 10 ditë nga Parlamenti, Gjuzi: Kam marrë kërcënime nga numri i telefonit të Ramës

Përjashtohet për 10 ditë nga Parlamenti, Gjuzi: Kam marrë kërcënime nga numri i telefonit të Ramës
13:47 | 26 Qershor 2020

Deputeti Kujtim Gjuzi është përjashtuar me 10 ditë nga komisionet dhe seancat plenare, pasi i ndërpreu fjalën kryeministrit Rama në parlament.

Mbi vendimin në fjalë, reagoi vetë Gjuzi, i cili në një lidhje direkte për emisionin “Shqipëria Live” deklaroi se nuk i ka sjellë asnjë problem kryeministrit, përkundrazi sipas tij, ai i ka sjellë atij.

“Çfarë etike kam ndërhyrë? I kam thënë kryeministrit (në parlament) mos gënje”, u shpreh Gjuzi, që deklaroi gjithashtu se ka marrë kërcënime nga numri i telefonit të kryeministrit Rama.

“Më ka thënë të tërheq zvarrë nga parlamenti, por unë jam 100 kilogramë burrë”, tha Gjuzi.

“Shpresoj që kryetari i Kuvendit, byroja parlamentare të shohin shkeljen e procedurave”.

Në vendimin për sjelljen e tij thuhet se sjelljet e tij janë të përsëritura dhe kanë penguar seancën. Deputeti ka replikuar disa herë nga vendi pa iu dhënë e drejta e fjalës.
Pavarësisht se i është tërhequr vëmendja nga kreu i Kuvendit ai është ngritur nga vendi dhe i është drejtuar foltores, ku po fliste kryeministri Edi Rama.

Prince Caffe shpërblen për festa Fitoren me veturë Fiat 500

Të tjera