×
  • Lajme
  • Lajme

    Mustafa tha se vendi ka nevojë për bashkëpunim politik, LVV e PDK thonë se do të mbesin në opozitë

    FrontOnline
    06 Korrik 2020

    Propozimi i Gjykatës Speciale për ngritje të aktakuzë ndaj presidentit Hashim Thaçi dhe kryetarit të PDK-së, Kadri Veseli u bë shkas i anulimit të takimit të paralajmëruar për 27 qershori në Washington në mes Kosovës e Serbisë me ndërmjetësimin e SHBA-ve.

    E gjithë kjo ka bërë që situata politike në vend të marrë kahje tjetër, madje po theksohet se situata politike në vend është futur në një gjendje me shumë të panjohura.

    Kryetari i LDK-së, Isa Mustafa ditë më parë përmes një statusi në Facebook tha se kjo situatë nuk determinon stabilitet apo jo të Qeverisë, por të të gjitha institucioneve të vendit.

    Mustafa madje paralajmëroi që në ditët në vijim do të bisedojë me të gjithë që kanë gatishmëri, jo për të forcuar pushtetin individual apo partiak por, për të forcuar shtetin e Kosovës dhe funksionalitetin e tij.

    “Ata që Kosovën e duan si fushë të gladiatorëve, nuk besoj se ia duan të mirën këtij vendi”, shkroi Mustafa.

    Lidhur me këtë propozim të Mustafës, në Lëvizjen Vetëvendosje thonë që nuk do të jenë pjesë e asnjë qeverie që formohet përkundër vullnetit qytetar.

    Zëdhënësi i kësaj partie, Përparim Kryeziu ka deklaruar për Telegrafin se kjo qeveri është ilegale dhe ilegjitime.

    “Kjo qeveri është ilegale dhe ilegjitime. Vendi ka nevojë për një qeveri demokratike e me legjitimitet që vjen përmes zgjedhjeve demokratike. Ne nuk do të bëhemi pjesë e asnjë qeverie që formohet përkundër vullnetit qytetar. Të tjerët edhe mund të bashkohen sepse tashmë kanë qenë të bashkuar. Të ndara mund t’i kenë vetëm etapat e bashkimit të tyre në një koalicion përkundër vullnetit qytetar”, ka thënë Kryeziu.

    Ndërkaq, zëdhënësi i PDK-së, Avni Bytyçi ka thënë për Telegrafin se qëndrimi i PDK-së mbetet ai i mëhershmi, vazhdojnë të jenë në opozitë.

    Ditë më parë Bytyçi kishte theksuar se nuk është diskutuar për hyrje të PDK-së në qeveri.

    “Partia Demokratike e Kosovës, është parti opozitare. Deri më tani, nuk është diskutuar kjo temë e hyrjes në qeveri, në asnjë nivel vendimmarrës të partisë. Çdo gjë që është duke u përfolur deri tani nëpër media, është vetëm në nivel të spekulimeve!”, kishte deklaruar Bytyçi.

    Më 24 qershor 2020, Zyra e Prokurorit të Specializuar (ZPS) u paraqiti Dhomave të Specializuara të Kosovës (DHSK) një propozim aktakuzë me dhjetë pika për shqyrtim prej Gjykatës, ku Hashim Thaçi, Kadri Veseli dhe të tjerë akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.

    Në propozim aktakuzën pretendohet se Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Menjëherë pas këtij njoftimi, presidenti Hashim Thaçi ka thënë se nëse aktakuza ndaj tij konfirmohet, ai do të jap dorëheqje.

    “Gabime politike në paqe mund të kem bërë, por krime lufte asnjëherë. Edhe po të kthehesha mbrapa, në kohën e zezë të Slobodan Millosheviqit, do të bëja të njëjtën gjë, duke iu përgjigjur plumbit armik me plumbin e etjes për liri dhe duke mos i hyrë kurrë në hak asnjë qytetari serb, rom apo shqiptar. Nëse aktakuza konfirmohet, unë menjëherë do të jap dorëheqje si President i juaji dhe do të përballem me akuzat”, pati deklaruar Thaçi

    Përmes investimeve, KEDS iu ofron rreth 10 mijë banorëve të Vitisë stabilitet energjetik
    Nga Rubrika
    Lajme12 Prill 2024
    Inspektorati i Policorë i Kosovës, departamenti i Inspektimeve ka publikuar sot raportin e inspektimit të jashtëzakonshëm, ku janë përfshirë në stacionet policore...
    Lajme12 Prill 2024
    Presidenca e Republikës së Kosovës, njofton se përmes një video-adresim Hillary Clinton, Sekretarja e 67-të e Shtetit të SHBA-ve, do të flas...
    Lajme12 Prill 2024
    Shefja e UNMIK-ut, Caroline Ziadeh, ka thënë se rasti i fundit i femicidit në Kosovë paraqet një rast tjetër të mjerueshëm të...
    Të tjera
    Bota/Rajoni12 Prill 2024
    Kryeministri i Shqipërisë, Edi Rama ka ndarë momenter nga pritja që i është bërë në Pallatin Elysee në Paris, ku u prit...
    Lajme12 Prill 2024
    Sibel Halimi, drejtoreshë të Kulturës në Komunën e Prishtinës, ka reaguar për vrasjen e një gruaje sot në Ferizaj. Ajo në një...
    Bota/Rajoni12 Prill 2024
    Rreth 40 lëshime raketash janë identifikuar duke kaluar nga Libani, tha ushtria izraelite. Në një postim në Telegram, Forcat e Mbrojtjes së...
    Lajme12 Prill 2024
    Në shenj revolte dhe reagimi për vrasjen e 21-vjeçares në Ferizaj, Kolektivi Për Mendim dhe Veprim Feminist, të hënën në orën 17:30...
    Lajme12 Prill 2024
    Presidentja e Kosovës, Vjosa Osmani ka reaguar për ngjarjen e rëndë që ka ndodhur sot në Qendrën për Punë Sociale në Ferizaj,...
    Lajme12 Prill 2024
    Avokati Azem Vllasi, thotë se shtetet perëndimore po e tolerojnë presidentin serb, Aleksander Vuçiqin, kjo për arsye që ai të mos shkojë...

    FrontOnline, © 2024 Të gjitha të drejtat e rezervuara.