Në një postim të bërë më 4 maj të vitit 2016, Abrashi, kishte shkruar: “Urime liberalizimi, Urime Kosovë! Me MSA dhe liberalizim, perspektiva evropiane merr kuptim të plotë!”.

Në foton në këtë postim shihej aty edhe kreu i LDK-së, Isa Mustafa dhe ministrja e tashme e Kulturës, Rinisë dhe Sportit, Vlora Dumoshi.

Kosova është ende në pritje të liberalizimit të vizave përkundër këtyre urimeve që kishin bërë më herët politikanët, ndër të tjerë edhe Abrashi.

Abrashi së fundi ishte pjesë e delegacionit të Kosovës në takim në Washington, ku u nënshkrua një marrëveshje normalizimi ekonomik me ndërmjetësim të SHBA-së.