Lajme

Limaj për përmendjen e “100 vrasjeve” nga Prokuroria Speciale: Punë e prokurorisë që të zmadhojnë gjërat

Limaj për përmendjen e “100 vrasjeve” nga Prokuroria Speciale: Punë e prokurorisë që të zmadhojnë gjërat
22:27 | 22 Korrik 2020

Kryetari i Nismës Socialdemokrate, Fatmir Limaj, ka thënë në emisionin Pressing në T7 se publikimi i aktakzuës nga Prokuria Speciale ndaj liderëve politikë të UÇK’së ka vënë Kosovën në pozitë delikate.. Në publikim përmendet se presidenti i Kosovës, Hashim Thaçi, dhe kryetari i PDK’së, Kadri Veseli, janë të përfshirë në rreth 100 vrasje.

“Mendoj që keni të drejtë që nga publikimi i asaj letre të prokurorisë natyrsiht që ka pasur një impakt. Dhe do të ketë në vazhdimësi në jetën politike. Janë përmendur emrat e dy njerëzve që janë bartës të institucioneve. Kjo normal që ka impakt për politikën“, thotë ai.

“Nuk e kisha lidhë qeverisjen me publikimin. Që kosova është në situatë delikate. Delikate është publikim i i aktakuzës gjatë rruigës për në Uashington. Po të ndodhte takimi, do kishte edhe zhvillime tjera.”

“Është puna e prokurorisë që të zmadhojë atë cështje që e ka. Sikur puna e PR’it. Por drejtësia funksionon ndryshe. Prokuroria është palë, ajo e shtron argumentin e saj. Në fund ka procese dhe prokuroria e ulë atë që e ka thënë më herët. Në fund është arbitri, apo gjyqtari ai që vendos. Ai e thotë fjalën e fundit. Unë vetë kam qenë i gjykuar disa herë. Shumë akuza kanë qenë ndaj meje kurse në fund mbetën pa asgjë”, përfundon ai.

Nga 10 janari fillojnë reduktimet, këto vende do të mbesin pa rrymë deri në 7 orë

Të tjera