Mot i nxehtë dhe kryesisht me diell, të premten pasdite mundësi për rrebeshe shiu. Në fundjavë destabilizim i motit, rrebeshe shiu me bubullima, temperaturat në rënie të lehtëRryma të nxehta ajrore nga Afrika Veriore do të kushtëzojnë mot të nxehtë në dy ditët e ardhshme.

Ditën e enjte fushat e presionit më të rritur do të favorizojnë mot kryesisht të kthjellët dhe me diell, bën të ditur Prishtina Weather.Shërbimi i meteorologjisë njofton se nga dita e premte fusha të presionit të ulët nga Evropa Perëndimore do të shtrihen mbi rajon, që në fundjavë sjellin destabilizim të motit me rrebeshe shiu dhe bubullima.

Të shtunën vende-vende rrebeshet mund të jenë më intensive, e nuk përjashtohen mundësitë edhe për breshër.

Temperaturat pësojnë një rënie të lehtë.

Sipas PW, nga dita e hënë sërish parashihet të mbajë mot i nxehtë dhe kryesisht me diell, mirëpo orëve të pasdites mbetet mundësia për ndonjë rrebesh shiu.

Indeksi i rrezeve UV mbetet në vlera shumë të larta, prandaj edhe këshillohet t’i ikim qëndrimit të gjatë në diell orëve të mesditës, njofton PW.Parashikimi për periudhën 13-17 gusht:

13.08 – Kryesisht me diell dhe nxehtë. Pasdite përgjatë viseve malore mundësi për ndonjë rrebesh shiu me bubullimë.

14.08 – Nxehtë, kryesisht me diell. Ditën me zhvillime të vranësirave, e më vonë pasdite dhe në mbrëmje priten rrebeshe shiu me bubullima.

15.08 – Paradite intervale me diell. Gjatë ditës dhe në mbrëmje vranësira me rrebeshe shiu dhe bubullima. Vende-vende rrebeshet mund të jenë më intensive me mundësi edhe për breshër.

16.08 – Kryesisht me vranësira. Nga mesdita priten kushte për rrebeshe shiu me bubullima.

17.08 – Kryesisht me diell dhe më nxehtë. Pasdite vende-vende mundësi për ndonjë rrebesh shiu.Temperaturat e ajrit do të luhaten brenda vlerave mesatare, me tendencë të një rënie të lehtë ditën e diele.

Minimalet nga 15C deri në 17C, ndërsa maksimalet 26C deri në 32C.

Era do të fryjë e lehtë dhe mesatare nga drejtime të ndryshme 2-10m/s.Shtypja atmosferike do të sillet përreth vlerave normale.