78 mijë e 761 persona janë infektuar me koronavirus në Indi në 24 orët e fundit.
Kjo është shifra e dhënë nga Ministria e Shëndetësisë dhe Mirëqenies Familjare, e cila është vlera e dytë më e lartë e regjistruar që prej nisjes së pandemisë.
Ky shtet deri tash ka shënuar 3 milionë e 542 mijë e 733 raste të personave të infektuar, transmeton Klan Kosova.
Në ditën e fundit janë shënuar 948 raste të vdekjeve, ku në total numri i atyre që kanë ndërruar jetë është 63 mijë e 498.
Vetëm SHBA dhe Brazili kanë numër më të madh të të infektuarve sesa India.
