Tre zyrtarë të Departamentit të Mbrojtjes të SHBA-së i thanë CNN-it se nuk kishte asnjë indikacion se shpërthimi masiv që tronditi Bejrutin të Martën ishte një “sulm”, duke kundërshtuar një pretendim të mëparshëm të presidentit, Donald Trump.
Ndërsa foli para gazetarëve në Shtëpinë e Bardhë, Trumpi u ofroi ndihmën amerikane njerëzve të Libanit pas shpërthimit, i cili la qindra të vdekur dhe mijëra të plagosur gjersa shpërthimit i referohej si një “sulm i tmerrshëm”.
Donald Trump: Gjeneralët amerikanë besojnë se shpërthimi në Bejrut ishte sulm i organizuar
Rreth 2,750 ton nitrat amoniumi të ruajtura në një depo në Portin e Bejrutit shpërtheu të martën, duke shkaktuar shkatërrime në të gjithë kryeqytetin libanez. Që nga e marta në mbrëmje, të paktën 100 njerëz u raportuan të vrarë dhe katër mijë të plagosur, transmeton Telegrafi.
“Më lejoni të filloj duke u dërguar ngushëllimet më të thella njerëzve në Liban, ku raportet tregojnë se shumë, shumë njerëz u vranë, qindra të tjerë u plagosën në një sulm të madh në Bejrut”, tha Trump.
“Lutjet tona shkojnë për të gjithë viktimat dhe familjet e tyre. Shtetet e Bashkuara janë të gatshme për ta ndihmuar Libanin”, shtoi ai.
Por zyrtarët e mbrojtjes, të cilët nuk pranuan të identifikoheshin në mënyrë që të mund të flisnin lirshëm, thanë se nuk e dinin se për çfarë po fliste Presidenti.
Një zyrtar tha që nëse do të kishte indikacione dikush në rajon, kjo do të shkaktonte rritje automatike të mbrojtjes së forcës për trupat dhe pasuritë amerikane në rajon – nëse për asnjë arsye tjetër përveç shqetësimit për sulmet. Ai zyrtar vuri në dukje se asnjë prej tyre nuk ka ndodhur deri më tani.
Zyrtarët libanezë nuk e kanë quajtur shpërthim një sulm. Pas komenteve të Trumpit të martën, zyrtarët libanezë ngritën shqetësimet e tyre te diplomatët amerikanë në lidhje me përdorimin e fjalës “sulm” në këtë pikë, i thanë dy zyrtarëve të Departamentit të Shtetit CNN-it.
