Lajme

Zemaj sot në 15:00 del para mediave, tregon edhe rezultatet për COVID-19

Zemaj sot në 15:00 del para mediave, tregon edhe rezultatet për COVID-19
11:26 | 17 Korrik 2020

Sot në orën 15:00 ministri i Shëndetësisë, Armend Zemaj, do të dalë në një konferencë për media në të cilën do të flasë për situatën epidemiologjike në vend.

Një gjë të tillë përmes një komunikate për media e kanë konfirmuar nga zyra për media e MSH-së.

“Ju ftojmë të merrni pjesë në Konferencën për media e cila mbahet sot  (e premte) më 17 korrik 2020 në MSh duke filluar nga ora 15:00”, thuhet në njoftim.

Përveç tjerash në këtë konferencë do të tregohen edhe rezultatet e infektimeve me COVID-19.

“Në këtë konferencë do të publikohen edhe rezultatet ditore për Covid-19 në Kosovë”, thuhet në njoftim.

Dy ditët e fundit ka pasur një rënie të lehtë të të infektuarve me COVID-19, megjithatë shifrat e rasteve të reja vazhdojnë të mbesin shqetësuese.

Rritja e rasteve të reja, ka bërë që Qeveria të marrë disa masa kufizuese të lëvizjes dhe gjithashtu të bëjë të obligueshme bartjen e maskës me qëllim të parandalimit të përhapjes së infeksionit.

Comodita nis 35 kontejnerë me dyshekë për në SHBA

Të tjera