×
  • Ekonomi
  • Ekonomi

    Zeka: Përgjegjësia për mosmiratimin e Projektligjit për Rimëkëmbje rëndon mbi Qeverinë

    FrontOnline
    29 Shtator 2020

    Për të pestën herë, deputetët e Kuvendit të Kosovës, kanë dështuar që ta votojnë Projektligjin për Rimëkëmbjen Ekonomike nga pandemia COVID-19.

    Në seancën e fundit morën pjesë në votim vetëm 48 deputetë, ndërsa votimi për këtë Projektligj është bartur për seancën e radhës.

    Sipas përfaqësueseve të biznesit, mosmiratimi i këtij Projektligji është mungesë e mirëkuptimit të nevojave të sektorit privat.

    Drejtori ekzekutiv i Odës Ekonomike të Kosovës, Arian Zeka tha për Telegrafin se përgjegjësia për kalimin e Projektligjit për Rimëkëmbje rëndon mbi deputetët e partive politike që drejtojnë ekzekutivin.

    “Mungesa e kuorumit për votimin e Projektligjit për Rimëkëmbje Ekonomike për herën e pestë tregon mungesën e mirëkuptimit për nevojat e sektorit privat dhe vendimmarrjes më të shpejtë për sa i përket kornizës ligjore për rimëkëmbjen ekonomike pas shpërthimit të pandemisë COVID-19. Dhe derisa sektori privat do të donte të shihte konsensus më të gjerë politik, duhet theksuar se përgjegjësia për kalimin e Projektligjit rëndon mbi deputetët e partive politike që drejtojnë ekzekutivin”, tha Zeka.

    Ai shton se, Qeveria duhet të reflektojë dhe të marrë në konsideratë shqetësimet dhe vërejtjet.

    “Mosaprovimi i Projektligjit pamundëson rritjen e pragut për lëshimin e garancive kreditore deri në 80 për qind, që do të lehtësonte në masë të madhe edhe qasjen në financa në periudhën pas COVID-19, masë kjo e cila është prezantuar edhe nga Qeveria paraprake. Në të njëjtën kohë, pamundësohet rregullimi ligjor i shtyrjes së obligimeve tatimore, si dhe heqja e ndëshkimeve administrative, kërkesë kjo e Odës Ekonomike Amerikane në Kosovë. Për të shmangur degradimin e mëtejmë të kësaj nisme ligjore ashtu si edhe vonesat në zbatimin e masave të rimëkëmbjes, është e nevojshme që Qeveria të reflektojë dhe të marrë në konsideratë edhe shqetësimet dhe vërejtjet e të gjithë deputetëve dhe hisedarëve të tjerë, edhe jo politik, për një projektligj gjithëpërfshirës”, shtoi ai.

    Ky Projektligj, po ashtu nuk kishte marrë votat në lexim të parë as në muajin gusht, pasi Lëvizja Vetëvendosje dhe Partia Demokratike e Kosovës refuzuan ta votojnë ndonëse ministrja e Financave, Hykmete Bajrami bëri thirrje për votimin e tij.

    Ky Projektligj, parasheh plotësimin e një sërë ligjesh, i cili përfshinë edhe tërheqjen e 10-përqindëshit nga vetë qytetarët nga Fondi i Kursimeve Pensionale.

    Me anë të këtij Projektligji parashihet zbatimin e Pakos së Rimëkëmbjes Ekonomike në vlerë prej 365 milionë euro.

    Punimet në rrjet, KEDS njofton se në këto vende s’do të ketë rrymë
    Nga Rubrika
    Ekonomi16 Maj 2024
    Zëvendëskryeministri i Malit të Zi, Nik Gjeloshaj, viziton Aleancën Kosovare të Bizneseve, ai është pritur nga kryetari i AKB-së, Agim Shahini. “Kosova...
    Ekonomi16 Maj 2024
    Rreth gjysmë miliardë euro arrin shuma e përgjithshme e investimeve direkte amerikane në Kosovë në dekadën e fundit, bazuar në statistikat e...
    Ekonomi14 Maj 2024
    Zëvendësministri i Infrastrukturës, Hysen Durmishi, ka nënshkruar sot memorandum mirëkuptimi me Komunën e Malishevës. Memorandumi kap vlerën e 697 mijë eurove dhe...
    Të tjera
    Lajme19 Maj 2024
    Forca Detare shqiptare dërgon anijen e dytë në operacionet e NATO-s. Forcat Detare të Shqipërisë kanë dërguar edhe anijen e dytë në...
    Lajme19 Maj 2024
    Sindikata e Policisë së Kosovës ka votuar të dielën për shkarkimin e kryetarit Imer Zeqiri. Për shkarkimin e tij, Zeqiri e kuptoi...
    Lajme19 Maj 2024
    Ka përfunduar vizita e prindërve të ish-presidentit Thaçi në Qendrën e Paraburgimit në Hagë. Babai dhe nëna e Thaçit ishin sot për...
    Lajme19 Maj 2024
    Ministria kroate e Mbrojtjes ka bërë të ditur se nesër do të mbahet ceremonia zyrtare e dërgimit në Kosovë të trupave të...
    Lajme19 Maj 2024
    Presidentja Vjosa Osmani ka ndarë një video nga takimi dhe konferenca e përbashkët me Nënsekretaren amerikane të Shtetit për Diplomaci Publike, Liz...
    Lajme19 Maj 2024
    Kandidati i PDK-së për kryeministër, Bedri Hamza, në Zvicër është takuar me diasporën atje, të cilët i ka falënderuar për mikëpritjen. Ai...

    FrontOnline, © 2024 Të gjitha të drejtat e rezervuara.