×
  • Ekonomi
  • Ekonomi

    Të ardhurat nga puna jashtë – Kaluan vlerën 200 milionë euro në tremujorin I

    FrontOnline
    16 Qershor 2020

    Të ardhurat nga puna jashtë vendit kaluan vlerën e 200 milionë eurove në tremujorin e parë të këtij viti. Kjo shifër përfshin dërgesat e emigrantëve, por edhe të ardhurat e shtetasve shqiptarë nga puna sezonale ose në distancë jashtë vendit. Sipas Bankës së Shqipërisë për 3-mujorin e parë të këtij këto të ardhura kishin vlerën e 202 milionë eurove, ndërsa të njëjtën periudhë të një viti më parë kishin qenë lehtësisht më të larta, në shumën e 204 milionë eurove.

    Vitin e kaluar këto të ardhura kaluan pragun e 1 miliardë eurove dhe kishin një vlerë të përafërt me investimet e huaja direkte.

    Vala e dytë e emigracionit shqiptar, pas vitit 2010, ka bërë që remitancat t’i kthehen një rritjeje të lehtë, vit pas viti. Dërgesat e emigrantëve janë një burim tejet i rëndësishëm për mbrojtjen e shtresave më të varfra.

    Një studim i Bankës së Shqipërisë, në bashkëpunim me Bankën Botërore, ka treguar se remitancat janë burim të ardhurash për rreth 26% të familjeve shqiptare. Dërgesat nga jashtë përbëjnë 90% të të ardhurave të familjeve marrëse, çka tregon se rreth një e katërta e familjeve në Shqipëri varen pothuajse ekskluzivisht prej tyre.

    Megjithatë, veç remitancave, në vitet e fundit një peshë në rritje po fitojnë të ardhurat nga puna jashtë vendit e individëve rezidentë në Shqipëri. Veç punësimit sezonal, kjo lidhet sidomos me punën në distancë ose ofrimin e shërbimeve për kompani të huaja. Një shembull tipik janë shërbimet call-center ose shërbimet e teknologjisë së informacionit, që kompanitë e huaja i kontraktojnë në vende me kosto më të lirë të punës, siç është Shqipëria.

    Kriza e shkaktuar nga epidemia e Covid -19 pritet që të prekë këtë vit edhe të ardhurat nga jashtë dhe kryesisht remitancat. I gjithë rajoni i Ballkanit Perëndimor pritet të pësojë edhe rënie të dërgesave të emigrantëve, që, sipas Bankës Botërore pritet të jetë sa rreth 0.5% e PBB-së.

    Nga Rubrika
    Ekonomi08 Mars 2025
    Administrata Tatimore e Kosovës tha se ka mbledhur 184.3 milionë euro tatime për periudhën janar-shkurt 2025. “Viti i kaluar ishte një vit...
    Ekonomi06 Mars 2025
    Binance, lider global në industrinë e kriptovalutave, feston Ditën Ndërkombëtare të Gruas me një seri eventesh të organizuara në mbarë botën. Këto...
    Ekonomi04 Mars 2025
    📢 Binance sjell një mundësi unike për të gjithë tregtarët e kriptovalutave në Kosovë dhe botë!  Binance, ekosistemi global i blockchain-it me mbi 260 milionë përdorues,...
    Të tjera
    Bota/Rajoni16 Mars 2025
    Shumë qytetarë janë mbledhur në qendërn e Shtipit, duke bërë kështu homazhe për 59 personat që humbën jetën në diskotekën e cila...
    Bota/Rajoni16 Mars 2025
    Familjarët vazhdojnë të qëndrojnë në oborrin e Spitalit në Koçan dhe tani gjendja është më e qetësuar se më herët, pasi që,...
    Lajme16 Mars 2025
    Një aksident me pasojë vdekjen e një personi ka ndodhur në aksin rrugor Pogradec-Qafe Thanë, në afërsi të kryqëzimit të fshatit Mëmëlisht....
    Lajme16 Mars 2025
    Policia në Fushë Kosovë ka identifikuar dhe arrestuar pesë persona të dyshuar të cilët dje kishin tentuar të kryejnë vjedhje në një...
    Bota/Rajoni16 Mars 2025
    Kryeministri i Maqedonisë së Veriut, Hristijan Mickoski ka bërë të ditur se ekziston dyshimi se kompania për diskotekën “Puls” ka pasur dy...
    Bota/Rajoni16 Mars 2025
    Rreth  115 pacientë, të lënduar nga tragjedia në Koçan po trajtohen nëpër klinikat e vendit, 22 pacientë tashmë kanë arritur në klinikat...
    -->

    FrontOnline, © 2025 Të gjitha të drejtat e rezervuara.