×
  • Lajme
  • Lajme

    Shteti nuk e di kur vijnë ekspertët zviceranë për rastin Dehari, vdekja mbetet e pazbardhur

    FrontOnline
    13 Shtator 2020

    Ekspertët zviceranë të cilët ishte paraparë të vijnë në Kosovë për të hetuar vdekjen e Astrit Deharit nuk kanë ardhur ende. Institucionet kosovare nuk kanë informatë se kur do të vijnë ekspertët të cilëve Prokuroria Speciale iu kërkoi ndihmë në zbardhjen e vdekjes së Deharit

    Janë bërë gati katër vjet prej vdekjes së aktivistit të Lëvizjes Vetëvendosje, Astrit Dehari, në qendrën e paraburgimit në Prizren. Rrethanat e vdekjes janë ende të pasqaruara.

    Instituti i Mjekësisë Ligjore në Lozanë të Zvicrës kishte ardhur në përfundim se gjasat janë të vogla që Astrit Dehari të jetë vetëvrarë. Në këtë mënyrë, është rikthyer në hetim rasti “Dehari”.

    Megjithatë, ekspertët zviceranë të cilët ishte paraparë të vinin në Kosovë për të hetuar vdekjen e aktivistit të VV’së, nuk kanë ardhur ende.

    Kështu kanë deklaruar për Gazetën Express nga Ministria e Drejtësisë.

    “Në Institutin e Mjekësisë Ligjore nuk ka ardhur askush për të hetuar rastin A. Dehari”, thuhet në përgjigjen e MD’së.

    MD bën të ditur se Instituti i Mjekësisë Ligjore nuk është i informuar se kur do të vijnë ekspertët nga Zvicra.

    “IML po ashtu nuk ka informacion se kur do të vijnë këta ekspertë për hetimin e përmendur”, deklaron MD.

    Prokuroria Speciale e Kosovës i kishte ftuar ekspertët zviceranë për të ndihmuar në zbardhjen e vdekjes së Astrit Deharit.

    Nga instituti zviceran kishin deklaruar se ardhja e tyre është shtyrë për shkak të pandemisë.

    Ndërkaq nga VV’ja kanë thënë se Kryeprokurori i Shtetit, Aleksandër Lumezi, ka thënë se ekspertët do të vijëë në qershor.

    Por, sipas tyre, nuk ka asnjë informatë rreth ardhjes së ekspertëve në Kosovë.

    Albulena Haxhiu nga kjo parti në një konferencë për media, ka thënë se Prokuroria duhet të tregojë se çfarë ka ndodhur me këtë rast.

    “Kërkojmë të dimë nëse kanë ardhur. Nëse po çfarë ka ndodhur, dhe nëse nuk kanë ardhur pse”, ka thënë Haxhiu.

    Astrit Dehari vdiq më 5 nëntor të vitit 2016 në Qendrën e Paraburgimit në Prizren ku po mbahej me katër aktivistë tjerë të VV’së.

    Ata dyshoheshin për sulmin me mjet shpërthyes kundër Kuvendit të Kosovës që kishte ndodhur në mbrëmjen e 4 gushtit të vitit 2016.

    Pas vdekjes së Deharit, Prokuroria e Prizrenit kishte deklaruar se ai është vetëvrarë.

    Kryeprokurori Sylë Hoxha kishte thënë se vdekja e Astrit Deharit ka ardhur nga asfiksia dhe mbyllja e rrugëve të frymëmarrjes.

    Pas tre muajsh nga vdekja e të birit, familja e Astrit Dehari kishte kërkuar që ekspertizën për rastin ta kryejë Qendra e Mjekësisë Ligjore në Lozanë të Zvicrës.

    Kuvendi i Kosovës, kishte diskutuar për këtë rast duke e inkurajuar Prokurorinë që ekspertiza të dërgohej jashtë Kosovës. Me 17 maj, 2017, ministri i Drejtësisë, Abelard Tahiri kishte konfirmuar para Kuvendit se kjo lëndë do të dërgohej në Institutin e Mjekësisë Ligjore në Lozanë të Zvicrës.

    Instituti i Zvicrës publikoi raportin mbi vdekjen e Deharit më 24 tetor të vitit 2018.

    Në konkluzionet e raporti përfundimtar thuhet se “në fakt hipoteza e një vetëvrasjeje e z. Dehari Astrit, përmes mjeteve të caktuar nga mjekët ligjorë duket pak e vërtetë dhe intervenimi i një personi të tretë duhet të kihet parasysh”.

    Petrol Company zbret çmimet në Ditën e Verës: Benzinë 1.70 euro dhe Diesel 1.85 Euro për litër
    Nga Rubrika
    Lajme25 Shkurt 2024
    Oficeri i Forcës së Sigurisë së Kosovës, ka diplomuar në Kursin Bazik për Oficer të Kembesorise në Shtetet e Bashkuara të Amerikës....
    Lajme25 Shkurt 2024
    Disa të mitur serbë e kanë djegur një flamur të Kosovës. Rasti ka ndodhur mesditën e së shtunës, në Zveçan. Lidhur me...
    Lajme25 Shkurt 2024
    Lidhur me numrin e madh të personave dhe fenomenin e lëmosh kërkuesve në Kosovë, ka folur për Front Online sociologu Ragip Fetahu....
    Të tjera
    Lajme25 Shkurt 2024
    Ish-shefi i deputetëve të Partisë Demokratike të Kosovës, Adem Grabovci, ka deklaruar për Ekonomia Online se asnjëherë nuk është larguar nga politika,...
    Lajme25 Shkurt 2024
    Gazetarja Grida Duma i ka këshilluar vajzat që të mos të martohen të reja për shkak se mund të bëjnë gabime. Që...
    Sport25 Shkurt 2024
    Bayer Leverkuseni i Xabi Alonsos është në ‘zjarr’ këtë sezon, teksa janë duke kaluar në një seri të jashtëzakonshme prej 33 fitoresh...
    Lajme25 Shkurt 2024
    Shoqëria civile ka ngritur si shqetësuese cështjen e konsumimit të duhanit brenda burgjeve, duke kërkuar nga SHKK-ja të bëhet një ketgorizim mes...
    Vip25 Shkurt 2024
    Albi Nako është banori që u largua nga shtëpia mbrëmë në Big Brother Vip Albania. Si pasojë e një nominimi mes të...
    Lajme25 Shkurt 2024
    Kryeministri Albin Kurti ka deklaruar se gjatë periudhës dyvjeçare në të cilën po luftohet në Ukrainë, Kosova ka mbetur e palëkundur krah...

    FrontOnline, © 2024 Të gjitha të drejtat e rezervuara.