Bota/Rajoni

Shqiptari nga Shkupi: U shërova nga koronavirusi pas 11 ditëve luftë për jetë ose vdekje

Shqiptari nga Shkupi: U shërova nga koronavirusi pas 11 ditëve luftë për jetë ose vdekje
13:18 | 21 Qershor 2020

“Të dashurit e mi, nën mëshirën e të Madhit Zot, me ndihmën e stafit mjekësor dhe me përkrahjen e pafund të miqve dhe familjarëve të mi, beteja ndaj virusit Covid19 u fitua”, shkruan Muhamed Ismaili nga Hasanbegu, këshilltar i ministrit të punëve të brendshme, Naqe Çulev, pasi është shëruar nga Covid 19.

“Edhe pse me imunitet të fortë, pa dijagnoza tjera, joduhanpirës, moshë e mesme,… kjo sfidë nuk ishte aspak e lehtë. 11 ditë në spital ishin ballafaqim direkt me sistemin ‘e gjunjëzuar’ shëndetësor dhe me mëshirën e fatit.

Luftë për jetë a vdekje si dhe jetë që shuheshin, ishin pamje e zakonshme.

Ata që më njohin, e dijnë që kujdesi im ndaj masave mbrojtëse nuk ka munguar, por virusi megjithatë më goditi. Askush nuk mund të jetë i sigurt dhe i mbrojtur nga ky ‘armik fantazmë’.

Ju lus të gjithëve, të jeni të kujdesshëm dhe të mbroheni. Shëndeti dhe jeta Juaj dhe i të dashurve Tuaj janë seriozisht të rrezikuar. Ruajeni! Nga Ju varet! Ju dua”, ka shkruar Muhamed Ismaili pas daljes nga spitali.

Përndryshe në Maqedoni deri më sot ka mbi 5005 raste me COVID-19, prej të cilëve 233 kanë ndërruar jetë.

Kredi me afat rekord të shqyrtimit dhe aprovimit

Të tjera