SHBA raportoi rreth 1,000 të vdekur nga coronavirusi të martën, duke e çuar numrin e përgjithshëm të viktimave në 142 mijë.

Sipas mediave të huaja, përcjell Telegrafi, raportohet se 5,200 persona ndërruan jetë brenda një jave nga sëmundja e COVID-19.

Me këtë rast, ekspertët kanë paralajmëruar se mund të ketë rritje të numrit të viktimave në vend, duke marrë parasysh situatën e tanishme.

Vetëm të martën, presidenti amerikan, Donald Trump, deklaroi se gjendja e pandemisë në SHBA mund të përkeqësohet.

Ngjashëm pati reaguar edhe eksperti i lartë i sëmundjeve infektive, Anthony Fauci, i cili tha se SHBA rrezikon të përballet me nga 100 mijë raste në ditë – ndërkohë numri i përgjithshëm i rasteve nga coronavirusi në SHBA u rrit në 3.8 milionë.