Kryeministri Avdullah Hoti, para takimit në Uashington ka ftuar për nesër në një takim të përbashkët të gjithë liderët politik.Lidhur me këtë ftesë ka reaguar Lëvizja Vetëvendosje.

Zëdhënësi i saj, Arlind Manxhuka ka thënë se kjo qeveri është e paligjshme dhe nuk ka kredibilitet.

“Kjo qeveri është e paligjshme. S’ka as kredibilitet e as legjitimitet. E, ftesa e saj për takimin e sotëm as nuk ka ardhur e as nuk ka pasur nevojë ta nisin”, ka shkruar Manxhuka.

I dërguari i Shtëpisë së Bardhë për dialogun ndërmjet Kosovës dhe Serbisë, Richard Grenell njoftoi se pala kosovare dhe ajo serbe do të zhvillojnë një takim në Shtëpinë e Bardhë në Uashington më 27 qershor 2020.