×
  • Lajme
  • Lajme

    ORCA pas shoqërimit që iu bë në polici Rron Gjinovcit: Kjo është e motivuar politikisht nga Qeveria dhe ministri Veliu

    FrontOnline
    19 Qershor 2020

    Organizata për Rritjen e Cilësisë në Arsim (ORCA), ka dënuar shoqërimin në polici që i është bërë aktivistit, Rron Gjinovci.

    ORCA në reagimin e bërë thotë se dyshon se kjo është e motivuar politikisht nga Qeveria aktuale dhe ministri i Brendshëm Agim Veliu, të cilët sipas tyre, po mbrojnë kolegun e tyre ministrin e Arsimit, Ramë Likaj.

    “Atij iu shqiptua vërejtje verbale për mosrespektim të procedurave për lajmërimin e aktivitetit. Vlen të theksohet se kjo po ndodh për herë të parë në përvojën tonë të gjatë të organizimit të aktiviteteve të ngjashme protestuese. ORCA dyshon se kjo është e motivuar politikisht nga Qeveria aktuale dhe Ministri i Brendshëm Agim Veliu, të cilët po mbrojnë kolegun e tyre plagjiator Ministrin e Arsimit, Ramë Likaj”, thuhet në reagim.

    Reagimi i plotë:

    “Në një ekspozitë simbolike, ORCA ka shfaqur plagjiaturat e Ministrit të Arsimit, Ramë Likaj. ORCA këto plagjiatura i kishte denoncuar në vitin 2018 kur Ramë Likaj i pati përdorë për t’u avancuar nga pozita e profesorit të asocuar në atë të profesorit të rregullt. Me gjithë denoncimin nga ORCA, Senati i UP-së e kishte avancuar Likajn, ndërkaq në vitin 2019 Këshilli i Etikës tha se nuk ka mjete për ta verifikuar një gjë të tillë. Përveç denoncimit në UP, ORCA rastin e kishte proceduar edhe në platformën SCOPUS ku ishin indeksuar revistat në të cilat ishin publikuar punimet plagjiat të Likajt dhe kolegëve të tij. SCOPUS në vitin 2019 përjashtoi revistat nga lista e vet e indeksimit çka i dha vulë ndërkombëtare pohimeve të ORCA-s.

    Megjithkëto, Ramë Likaj, nuk u penalizua asnjëherë, përkundrazi ai sot është bërë personi më i fuqishëm në arsim, ai është Ministër i Arsimit në vendin ku 76% e nxënësve 15 vjeçarë konsiderohen analfabetë funksionalë sipas organizatave ndërkombëtare.

    ORCA-s nuk i kanë mbetur tjera rrugë, veçse të krijojë aleancë me qytetarët dhe aktivistët për t’u organizuar në aktivitete të rezistencës për të mos e lejuar degradimin e mëtejmë të arsimit në vend. Prandaj ORCA përmes kësaj ekspozite dëshiron të fillojë një sërë aktivitetesh, fillimisht duke e bërë të qartë për të gjithë se ministri ka bërë plagjiaturë. Kjo tash mund të shihet nga të gjithë sepse aftësia e vetme që duhet të ketë një njeri për ta verifikuar këtë, është të dijë t’i dallojë shkronjat dhe fjalët.

    ORCA fton për organizim të mëtutjeshëm të qytetarëve dhe aktivistëve për ta larguar Ministrin Likaj.

    ORCA po ashtu e dënon shoqërimin në polici të aktivistit Rron Gjinovci, i cili u lirua nga stacioni i policisë pasi u konstatua nga prokurori kujdestar se aktiviteti i sotëm nuk kishe elemente të asnjë vepre penale. Atij iu shqiptua vërejtje verbale për mosrespektim të procedurave për lajmërimin e aktivitetit. Vlen të theksohet se kjo po ndodh për herë të parë në përvojën tonë të gjatë të organizimit të aktiviteteve të ngjashme protestuese.

    ORCA dyshon se kjo është e motivuar politikisht nga Qeveria aktuale dhe Ministri i Brendshëm Agim Veliu, të cilët po mbrojnë kolegun e tyre plagjiator Ministrin e Arsimit, Ramë Likaj.

    ORCA falënderon avokaten Rina Kika e cila ishte prezente përgjatë shoqërimit të Gjinovcit, si dhe Togerin Eshref Beqiri, i cili u tregua tejet profesional në ekzekutimin e detyrave të tij”.

    Banorja e 13-të e BBVK rrëfen ngjarjen e frikshme që i ka ndodhur
    Nga Rubrika
    Lajme29 Shkurt 2024
    Kryeministri i Kosovës, Albin Kurti ka treguar arsyen se pse nuk mori pjesë në samitin për Ukrainën që u mbajt në Tiranë....
    Lajme29 Shkurt 2024
    Kryeministri i Maqedonisë së Veriut, Talat Xhaferi, deklaroi se imazhi i Kosovës në sytë e ndërkombëtarëve nuk është në të njëjtat nivele...
    Lajme29 Shkurt 2024
    Analisti Visar Ymeri, në “Debat Plus” në RTV Dukagjini, ka thënë se deklaratat e ambasadorit amerikan në Kosovë, Jeffrey Hoverier, nuk janë...
    Të tjera
    Lajme29 Shkurt 2024
    Gjykata Themelore në Prizren ua ka vazhduar masën e paraburgimit edhe për nga dy muaj katër të dyshuarve për grabitjen në Suharekë,...
    Lajme29 Shkurt 2024
    Deputeti i PDK-së, Bekim Haxhiu, tha se në shëndetësi nuk ka zhvillim nga Qeveria Kurti, por sipas tij ka vetëm degradim. Sipas...
    Sport29 Shkurt 2024
    Edon Zhegrova po kalon një sezon të karrierës te Lille në elitën e futbollit francez. Ylli kosovar është prej futbollistëve më të...
    Lajme29 Shkurt 2024
    Deputeti shqiptar në Kuvendin e Serbisë, Shaip Kamberi të hënën është takuar me presidentin serb, Aleksandar Vuçiq, ndërsa sot ai ka publikuar...
    Vip29 Shkurt 2024
    Të lindurit në vitin e brishtë, më 29 shkurt, kanë një ditëlindje ndryshe nga kushdo tjetër. Kjo datë është vetëm një herë...
    Lajme29 Shkurt 2024
    Këshilltari në Ministrinë e Punëve të Jashtme dhe Diasporës, Çerim Bajrami, është sulmuar fizikisht. Rasti ka ndodhur sot rreth orës 16:00, në...

    FrontOnline, © 2024 Të gjitha të drejtat e rezervuara.