Numri i stafit mjekësor të cilët janë në luftë të vazhdueshme me virusin COVID-19 e që janë prekur nga ky infeksion, po rritet dita-ditës, shkruan Express.
Në dy spitalet të cilat për çdo ditë trajtojnë një numër të konsiderueshëm të qytetarëve, atë të Gjakovës si dhe të Pejës mbi 40 punëtorë shëndetësor janë prekur nga Covid-19.
Kjo u bë e ditur në raportet ditore të këtyre dy spitaleve.
Në Pejë nga personeli i Spitalit 5 mjekë, 15 Infermierë dhe 5 punëtor nga personeli jo mjekësorë janë të infektuar me Covid-19.
Ndërkohë në Gjakovë, gjashtë mjekë dhe 16 infermiere të infektuar e dy persona të tjerë staf mjekësor janë prekur nga kosonavirusi.
E deri më tani në vendin tonë kanë ndërruar jetë 8 mjekë të cilët kanë qenë të infektuar me Covid-19. E mbi 900 persona të tjerë staf mjekësor janë infektuar me koronavirus në nivel vendi.
