Front TV

Mosmbajtja e maskës s`është vepër penale, qytetarët të hutuar

Mosmbajtja e maskës s`është vepër penale, qytetarët të hutuar
19:52 | 30 Qershor 2020

Dikush me të. E dikush pa të.

Por këso laramanie, me gjasë, nuk do të ketë më.

Mbajtja e maskës, që deri tani është lënë në ndërgjegjen e secilit vetvetiu, shpejtë mund të bëhet obligim për çdo qytetarë.

Kjo në rast se në mbledhjen e ardhshme të Qeverisë miratohet një vendim që obligon diçka të tillë, mosrespektimi i së cilit sipas Kryeministrit Hoti, pastaj do të përbënte vepër penale.

Me deklaratat e Hotit nuk po pajtohen juristët.

Ehat Miftaraj nga Instituti për Drejtësi thotë se mosmbajtja e maskës nuk përbën vepër penale për qytetarët – përjashto këtu ata që janë të infektuar.

Në bazë të ligjit të aplikueshëm, Qeveria, institucionet ne Kosove mund t`i zbatojnë këto masa vetëm ndaj personave që janë infektuar me COVID-19, qytetarët e tjerë, të cilët mund ta kenë këtë sëmundje dhe të cilët mund të mos kenë simptoma dhe mund të mos e dinë, edhe në rast të përhapjes nuk mund të jenë subjekt i procedurës penale”, theksoi ai.

Pos juristëve, as qytetarët, nuk po pajtohen me deklaratat e Hotit për vendosjen e maskës, i cili gjatë kohës sa mbajti fjalimin, nuk e pati vet një të tillë.

“Ai mundet të më  dënoj,  po nuk ka të drejtë, se unë e dënoj vetveten”, thotë një qytetar.

“Jo me i denu, po pak me i frikësu, tregon një qytetar tjetër.

E mbajtja e maskave nga qytetarët mbetet në vullnetin e tyre për aq kohë sa nuk miratohet Ligji për Parandalimin e COVID-19.

“Kuvendi i Republikës së Kosovës duhet të miratojë një ligj të veçantë që qytetarët të jenë të obliguar të zbatojnë këto masa. Në mungesë të një ligji COVODI-19 mbetet në vullnetin e qytetarëve për t`i respektuar apo jo masat”, theksoi Miftaraj për Front Online.

Iniciativën për krijimin e këtij ligji e kishte nisur Kryeparlamentarja Vjosa Osmani, por përkrahje  nismës së saj nuk i patën dhënë asnjëra prej partive politike në Kuvend – përfshirë edhe partinë e saj, LDK-në./Front Online/

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera