Ministri i Arsimit dhe Shkencës, Ramë Likaj, në një konferencë të mbajtur sot për media, tha se kanë bërë përgatitjet për fillimin e vitit të ri shkollor, raporton Front Online.

Ai tha se vendimi për fillimin e vitit të ri shkollor, ka qenë më i vështiri që ka marrë deri tani.

Përndryshe, ministri është shprehur se ora e parë e mësimit do t’i dedikohet pandemisë nesër.

“Vendimi për fillimin e vitit të ri shkollor ka qenë më i vështiri në karrierën time. Është shumë e vështirë të veprohet duke e parë situatën me Coronavirus. Vendimi për hapjen e shkollave është i rëndësishëm”, tha ai.

Likaj tregoi edhe disa nga përgatitjet që kanë bërë deri tani.

“Pas përgatitjeve që janë bërë, do të arrijmë të fillojmë vit të mbarë shkollor. Janë pastruar dhe dezinfektuar shkollat, është hartuar udhëzuesi i përgjithshëm për vitin e ri shkollor, është përgatitur master plani për mësim. Është hartuar protokolli ndaj reagimit të pandemisë”, ka thënë ai.
Përndryshe, ai bëri të ditur se 30 mësimdhënës të cilët nuk janë në gjendje të mirë shëndetësore do të mbasin jashtë procesit mësimorë, por që do të mbulohen financiarisht./Front Online/