[wp-story]

Bota/Rajoni

Libri i mbesës së Trump dhe taksat e xhaxhait: Ia kam dhënë unë lajmet New York Times

Libri i mbesës së Trump dhe taksat e xhaxhait: Ia kam dhënë unë lajmet New York Times
15:59 | 16 Qershor 2020

Është e vështirë të thuhet nëse është kaluar kufiri mes gënjeshtrës dhe evazionit fiskal. Por sigurisht Donald Trump dhe babai i tij Fred e kaluan atë të cinizmit në vitet ’90 me përdorimin e blerjeve të rreme të materialeve për mirëmbajtjen e pallateve të tyre, me anë të një prej shoqërive të tyre “All Country Buildings Supply & Maintenance”. Jo vetëm për të transferuar para nga babai tek i biri duke iu shmangur pagesës së taksave por dhe për të justifikuar rritjen e çmimit të qerasë.

Episodi është vetëm një nga të shumtët të treguar në një hetim të detajuar për 100 mënyrat e përdorura nga Trump për të shmangur taksat, e që u publikua fillimisht nga New York Tines në 2018-ën. Një hetim shumë i detajuar sipas të cilit prestigjozja amerikane tregon se Donald në 50 vjet ka përdorur plot 295 kanale për të transferuar fonde duke shmangur taksat dhe që për herë të parë tregoi falsitetin e një njeriu që pretendonte se e kishte bërë vetë pasurinë e tij. Trump gjithnjë ka pretenduar se babai i tij i kishte lënë vetëm një million dollar, të cilin ia kishte kthyer me gjithë interesa, por nga babai i tij mori një trashëgimi me vlerë 413 milion dollar.

Lajme të bujshme të konfirmuara nga dy gazetarë investigativë dy vjet më parë për New Times, me informacione të besueshme të marra nga një burim sekret. Të paktën deri tani pasi Meri Trump, vajza e vëllait të madh të Donald Trump, i cili ndërroi jetë në moshën 42 vjecare për shkak të një infarkti në vitin 1981, tashmë ka vendosur të tregojë në një libër se ishte ajo që ka treguar çdo gjë për gazetarët. Një libër për familjen Trump që do të jetë një goditje e rradhës për imazhin e presidentit i cili aktualisht po pret me ankth dhe librin e ish asistentit të tij Xhon Bolton që do të publikohet javën e ardhshme

Kujtimet e Meri Trump do të publikohen në 11 gusht, në prag të konventës republikane që do i japë presidentit emërimin për një mandat të dytë në Shtëpinë e Bardhë. Objektivi i saj është të arrijë tek një pjesë e trashëgimisë, e cila në një mënyrë shumë kontroverse iu dha vetëm Donald Trump. Ajo pritet të dalë së shpejti dhe në intervista televizive për të treguar se si gjyshi i saj Fred i jepte para babait të saj dhe xhaxhai Donald i cili ka falimentuar disa herë gjatë karrierës së tij si sipërmarrës.

Trump në moshën 3 vjeçare merrte një pagesë 200 mijë dollar si këshillltar, në moshën tetë vjec ishte milioner. Ndërsa në moshën 17 vjecare ishte pronar i një ndërtese me 52 apartamente. Poir Meri kësaj here shkon përtej anekdodave pasi libri do të përmbajë edhe konfidencat e një personazhi të familjes që deri tani ka qendruar në heshtje: Merien Trump Bari, vajza e Donald, një gjykatëse federale në pension.

“M Sillosi” S’ka nëvojë për panik, grurë ka me bollëk

Të tjera