×
  • Lajme
  • Lajme

    Jasharaj: Ndryshe të flasësh nga zyra, ministri t’i vizitojë shkollat – ende ka të padezinfektuara, u mungon uji i pijes

    FrontOnline
    27 Gusht 2020

    Kryetari i SBASHK-ut, Rrahman Jashari është shprehur i shqetësuar për situatën e krijuar me çështjen e planit për fillimin e vitit të ri shkollor, meqë vendi gjendet në kohë pandemie.

    ”Ne edhe gjatë gushtit, edhe në takimet me Kryeministrin Hoti dhe Ministrin Likaj, me përfaqësues të prindërve, ne kemi thënë publikisht që do të angazhohemi me tërë forcat për të mobilizuar nxënësit për një vit të mbarë shkollor”.

    ”Duke vlerësuar vlerën e madhe që ka shkolla për mësimin, nxënësit dhe mësimdhënësit – duke u nisur nga një përvojë jo bash e lehtë nga marsi për mësimin online”.

    Pse nuk janë krijuar ende kushtet që të nis mësimi i rregullt?

    ”Ne kemi një rrjet të tillë të organizimit, që në secilin institucion arsimor të nivelit komunal kanë përcjellë nga afër çdo lëvizje në institucionet arsimore”.

    ”Edhe në manualet që nxori MASHT dhe rekomandimet e IKSHPK, dhe tri versionet e parapara, ne kemi informacione të bazuara, nga ta erdhën raportet që një pjesë e madhe e institucioneve arsimore shihet që nuk janë të përgatitura”.

    ”Vitin e kaluar u tha që ka pasur përgatitje të institucioneve por nuk kemi pasur problemin me COVID-19. Dhe gabimet e lëshimet që janë bërë nuk janë bërë rrezik i drejtpërdrejtë për nxënësit”.

    Kësaj radhe çfarë lëshimesh ka që s’duhet të nis mësimi?

    ”Ka probleme sepse është thënë se shkollat duhet të jenë të pajisura me mjete higjienike dhe duhet të jenë të pajisura me mjete të dezinfektimit. Është thënë se do të ndahen klasat e mëdha në grupe, në ambiente shkollore do të krijohen hapësira për të pasur distancë sociale – është pohuar se shteti ynë me kohë do të sigurojë kontingjent të mësimdhënësve rezervë, është përmendur numri prej 1000”.

    Ai në Info Magazine thotë se mësimi duhet shtyrë pasi ndonëse u paralajmërua për masa anti COVID-19, në Kosovë ka ende shkolla të cilat nuk janë dezinfektuar dhe kanë mungesë të ujit, njofton Klan Kosova.

    ”Nuk janë realizuar asnjë nga këto gjëra konkrete. Tjera janë deklaratat nga zyrat e mira, se janë përgatitur shkollat etj. Le të shkojë ministri në shkolla dhe le ta shohë se këto kërkesat shtesë për shkak të COVID-19, nuk janë bërë në shkollat tona”.

    ”Kemi shkolla ku ende mungon uji i pijes. Kemi shkolla ku ende nuk është bërë dezinfektimi. E keqja më e madhe është se ende nuk kemi informacion të saktë se si do të procesohet me 300 mësimdhënësit e prekur me kancer dhe sëmundje të tjera”.

    KEDS: Erërat dhe reshjet e borës shkaktojnë dëme në rrjetin elektrik, disa zona mbesin pa rrymë
    Nga Rubrika
    Lajme01 Mars 2024
    Presidentja e Kosovës, Vjosa Osmani, ka uruar anëtarin e Presidencës së Bosnjës dhe Hercegovinës, Denis Beçiroviq, me rastin e Ditës së Pavarësisë....
    Lajme01 Mars 2024
    Për të shtunën parashikohet të mbajë mot me diell dhe vranësira, ndërsa lokalisht pritet të ketë reshje shiu, të cilat në momente...
    Lajme01 Mars 2024
    Emisari i Bashkimit Evropian për dialogun Kosovë-Serbi, Miroslav Lajçak është takuar sot me presidenten e Vjosa Osmani. Lajçak ka thënë se me...
    Të tjera
    Lajme01 Mars 2024
    Deputeti i Lëvizjes Vetëvendosje, Visar Korenica, ka treguar arsyet kryesore të kundërshtimit të projektligjit për fertilizimin e asistuar apo siç njihet ndryshe...
    Lajme01 Mars 2024
    Kryesia e Lidhjes Demokratike të Kosovës është mbledhur sot për herë të dytë, e ku kanë diskutuar për tetë pika përfshirë atë...
    Bota/Rajoni01 Mars 2024
    Presidenti i Shqipërisë, Bajram Begaj, ka biseduar me ministrin e Brendshëm Taulant Balla, për t’u interesuar mbi ngjarjen e rëndë që ndodhi...
    Lajme01 Mars 2024
    Kryetari i Aleancës për Ardhmërinë e Kosovës (AAK), Ramush Haradinaj, ka uruar bashkëluftëtarin e tij, njëkohësisht mësuesin e devotshëm me rastin e...
    Lajme01 Mars 2024
    Avokati Ardian Bajraktari, duke komentuar vendimin e Gjykatës së Apelit që rasti i vrasjes së Marigona Osmanit të kthehet në rigjykim, tha...
    Lajme01 Mars 2024
    Ish-kryetari i Komunës së Prishtinës, Shpend Ahmeti, e ka kritikuar Qeverinë e Kosovës në lidhje me raportet e saj me Shtetet e...

    FrontOnline, © 2024 Të gjitha të drejtat e rezervuara.