Rastet e reja të infektimit me COVID-19 shënuan sot sërish rënie, me +210 raste të reja në 24 orët e fundit, në krahasim me dje që ishin 301, duke e çuar numrin total të tyre në 237 510, sipas “La Stampa”.
Nga këto raste infektimi, 143 u regjistruan në Lombardi, rajoni më i prekur nga epidemia në vend.
Numri i përgjithshëm i viktimave ka arritur në 34 405, me + 34 më shumë se dje.
Deri më tani, 177 pacientë ndodhen në terapi intensive.
Sot, në Itali numërohen 17 rajone me më pak se 5 raste infektimi në 24 orë, ndër të cilët tetë rajone janë pa raste koronavirusi.
