Kryeministri i Kosovës Avdullah Hoti ka pritur në takim përfaqësesin e BE-së në dialogun Kosovë – Serbi, Miroslav Lajçak, raporton Front Online.

Hoti pas takimit ka thënë se janë të gatshëm për të rifilluar dialogun me Serbinë dhe se arritja e marrëveshjës ndërmjet Kosovës dhe Serbisë është e rëndësishme për stabilitetin e rajonit dhe të BE-së.

Shefi i ekzekutivit tha se arritja e marrëveshjes me Serbinë do t’i hapë Kosovës rrugë tjera integruese në vendet e BE-së.

“Dialogu përfundimisht e mbyllë marrvëshjen dhe ceshtjet e hapura me shtetin fqinjë. Një dialog që i hapë Kosovës një derë për proceset intergruese”, tha Hoti pas takimit me Lajçak.

Osmani pas takimit me Lajçak: Dialogu të jetë i barabartë për të dy shtetet

Kryeministri deklaroi se pret që sa më parë të mbyllet kapitulli me Serbinë.

“E falenderova Për përkushtimin e tij për këtë proces në emër të 27 vendeve të BE-së. Pres që sa më parë të angazhohemi për këtë dialog dhe të mbyllim këtë kapitull me Serbinë”, tha Hoti.

Ai po ashtu njoftoi se pas takimeve të shumta që Lajcak pritet t’i zhvillojë në Kosovë, me të parinë e Qeverisë do të takohet sërish, për siç tha ai lidhur me disa çështje teknike.

“Pres qe në fund të vizitës së tij pres të takohemi edhe një herë për t’i diskutuar çështjetet teknike”, tha mes tjerash Hoti. /FrontOnline/

https://www.facebook.com/FrontOnlineMedia/videos/720402005391216/?__tn__=%2CdkC-R&eid=ARCHEAnIM5u91tMNQP377s3PYvZPI-W1RxzFLulCNhnfdFJf_5o4QHzpGzYmHvie12KDPzVVNMscDL4s&hc_ref=ARSPezGpf_XUfY0Wg5CQdwfHxl9soKQCZX5Om-HdBSzRsHPW9b7muIFuaILQys-Q6d0