×
  • Lajme
  • Lajme

    Hoti: Kosova ka teste për COVID-19, testet e Serbisë nuk janë përdorur

    FrontOnline
    20 Qershor 2020

    Instituti Kombëtar i Shëndetësisë Publike në Kosovë aktualisht ka në dispozicion sasi të konsiderueshme të testeve për Covid-19, të mbetura nga furnizimet e mëhershme bazuar në kontratat e Ministrisë e Shëndetësisë, por edhe nga donacionet që i kanë pranuar së fundi.

     Ka thënë kështu për Front Online, zëdhënësi i Ministrisë së Shëndetësisë, Faik Hoti.

    8 shkurti i këtij viti, sipas Hotit shënon fillimin e testimit të personave për Covid-19 në Kosovë.

    Hoti për Front Online, deklaroi se deri më tash Ministria e Shëndetësisë (MSH), ka pranuar 7900 teste (1000 IKSHPK dhe 6900 MSh)  nga kontrata paraprake  e MSH pas fillimit të pandemisë; 10 000 -13 000 janë kontraktuar nga kontrata e dytë kornizë e MSh-së së, 1000 teste janë pranuar donacion nga Turqia, një sasi e konsiderueshme nga KFOR-i dhe 8000 teste të tjera janë pranuar nga UNDP-ja.

    “Gjithashtu, 12 000 kite për testime për Covid-19 janë pranuar së fundi donacion  nga kompanitë Ecolog, Eurokoha dhe AWR Abbruch. IKSHP ka pasur në dispozicion para fillimit të pandemisë edhe një numër testesh”, pohoi Hoti më tutje për Front Online.

    Zëdhënësi i Ministrisë së Shëndetësisë deklaroi se edhe në ditët në vazhdim pritet furnizimi me sasi tjera të testeve për coronavirus.

    “Në proces të ardhjes janë edhe sasi të konsiderueshme të testeve nga donatorët të ndryshëm të cilat do të jenë në dispozicion të rritjes së numrit të testimeve siç është duke ndodhur ditëve të fundit”, tha ai.

    Në anën tjetër, testet e pranuara nga Serbia sipas Hotit, nuk janë përdorur.

    Fillimi i pandemisë Covid-19 Kosovën e ka gjetur me probleme, bëri të ditur për Front Online zëdhënësi i MSH-së, Faik Hoti.

    Sipas tij, mungesa e mjeteve mbrojtëse profesionale në treg, kërkesa e tyre si dhe rritja e çmimeve nga prodhuesit e tyre, ishin ndër problemet kryesore që e kanë karakterizuar periudhën e fillimit të përhapjes së coronavirusit në Kosovë.

    Hoti tha se aktualisht vendi nuk ka probleme rreth sigurimit të buxhetit për menaxhim të pandemisë.

    “Problemet kanë qenë të shprehura më shumë në fillim të pandemisë me mungesën e mjeteve mbrojtëse profesionale në treg për shkak të kërkesave të mëdha nga të gjitha shtetet, e më vonë edhe me ngritjen e çmimeve nga prodhuesit dhe importuesit e mjeteve mbrojtëse por edhe produkteve e pajisjeve të tjera farmaceutike që kanë shërbyer për Covid-19, si në Kosovë si në vende të tjera”, tha në fund për Front Online, Faik Hoti.

    / Front Online/

     

    Zyrtare: Dyshekët e Comoditas produktet më të eksportuara nga Kosova për vitin 2023, dyfish më shumë se tjerët
    Nga Rubrika
    Lajme22 Prill 2024
    Ish-ambasador i Shqipërisë në OKB, Agim Nesho ka folur në lidhje me paraqitjen e presidentes së Kosovës, Vjosa Osmani në OKB, duke...
    Lajme22 Prill 2024
    Një person e ka humbur jetën si pasojë e një aksidenti që ka ndodhur pasditen e sotme në Lipjan. Rasti ka ndodhur...
    Lajme22 Prill 2024
    “Mbretëria e Bashkuar është një mbështetëse e kahershme e sovranitetit dhe pavarësisë së Kosovës”, ishte i prerë përfaqësuesi i Mbretërisë së Bashkuar...
    Të tjera
    Lajme22 Prill 2024
    Pas dështimit të zgjedhjeve në veri, analisti Visar Ymeri ka thënë se nuk është “sovrane” qeverisja në atë vend ku kundërshtohet nga...
    Lajme22 Prill 2024
    Antigona Emini, aktiviste e PDK-së, është ndarë nga jeta në moshë të re. Dega e PDK-së në Gjilan ka shprehur ngushëllime për...
    Lajme22 Prill 2024
    Me Fahrije Hoti, Shyhrete Tahirin në njërën anë, e me Vasfije Krasniqin e Elhame Muçollin në anën tjetër, presidentja Vjosa Osmani paralajmëroi...
    Sport22 Prill 2024
    Gazetari italian Mirko Di Natale ka konfirmuar se Juventusi ka shprehur interesim për transferimin e sulmuesit kosovar Edon Zhegrova. ‘Bianconerët’ janë duke...
    Lajme22 Prill 2024
    Nol Nushi nga PSD-ja ka thënë që Partia Demokratike e Kosovës ka rënë në lojën e kryeministrit, Albin Kurti dhe se PDK-ja...
    Lajme22 Prill 2024
    Situata në Kosovë u diskutua në seancën e Këshillit të Sigurimit të Organizatës së Kombeve të Bashkuara. Vendi u përfaqësua nga presidentja...

    FrontOnline, © 2024 Të gjitha të drejtat e rezervuara.