Gashi tregon rregullat e reja për fluturim në Aeroportin e Prishtinës: Familjarët nuk lejohen të shoqërojnë pasagjerët

Zyrtari për informim në Aeroportin e Prishtinës, Bujar Gashi ka treguar speciafikat për pasagjerët që udhëtojnë në aeroport.

Gashi thotë se Aeroporti i Prishtinës ka qenë gjithmonë i gatshëm për fluturime por për shkak të vendimeve të autoriteteve ata kanë punuar me staf të reduktuar.

“Nga e shtuna i gjithë stafi do të jenë në punë me orarin e zakonshëm”, tha ai.

Zyrtari për informim në Aeroportin e Prishtinës thotë se pasagjerët do t’iu nënshtrohen disa rregullave më strikte për dallim nga herët tjera.

“Pasagjerët duhet të paraqiten në aeroport tri orë para fluturimit. Nuk do të lejohen familjarët përcjellës të jenë prezent në terminal pos atyre që kanë nevojë për asistencë. Unë i lutem familjarët që të mos vijnë në aeroport pasi nuk do të lejohen të futen brenda”.

Gashi thotë se mjekët do të matin temperaturën e pasagjerëve derisa do të kalojnë edhe përmes tunelit dezinfektues.

Zyrtari për informim në Aeroportin e Prishtinës thotë se testi i coronavirusit nuk do të jetë i obliguar për të ateruar në aeroport.

“Nuk do të lejohen udhëtarët që nuk kanë maskë, por preferohet që të kenë edhe doreza”, tha ndër të tjera Bujar Gashi.

Bigbrother Vip Kosova dhe Bigbrother Vip Albania në Artmotion

Sponsoruar