×
  • Lajme
  • Lajme

    Disa lagje të Prishtinës deri në 18 orë pa ujë – në kohë pandemie

    FrontOnline
    02 Shtator 2020

    Në kohë të pandemisë, kur higjiena është thelbësore për parandalimin e përhapjes së koronavirusit, disa lagje të Prishtinës ka javë të tëra që po mbesin pa ujë deri në 18 orë në ditë.

    Në “Bregun e Diellit” në dy ditët e fundit banorët janë furnizuar me ujë vetëm nga gjysmë ore. Madje në kohën kur vjen uji është pothuajse totalisht i ndotur, raporton KTV.

    Përveç për reduktimet, Natyra Dërmaku, banore në “Breg të Diellit”, fajëson kompaninë rajonale të ujësjellësit “Prishtina” edhe për mungesë të përgjegjësisë.

    “Sa i përket çështjes së ujit, njoftim nuk kemi pasur hiç. Mund të them qe 48 orë s’ka pasur ujë fare. Dje ka ardhur në orën 04:00 të mëngjesit shumë pak edhe është ndalur prapë. Kam tentuar vetë, jam banore e lagjes ‘Bregu i Diellit’, me e thirrë ujësjellësin mbi 30 herë dhe nuk janë lajmëruar”, ka thënë Dërmaku.

    Reduktimet e planifikuara të ujësjellësit për zonat urbane janë nga ora 24:00 deri në orën 04:00 të mëngjesit, ndërsa në zonat rurale nga ora 20:00 deri në 06:00 të mëngjesit. Por problemi kryesor qëndron te reduktimet pa planifikim, në lagjet “Bregu i Diellit”, në Hajvali dhe në një pjesë të Vetërnikut.

    Ankesat e qytetarëve kanë të bëjnë edhe me faktin që orari i reduktimeve i paralajmëruar nga Ujësjellësi nuk është i saktë, duke pasur vonesë furnizimi me orë të tëra pas afatit të paraqitur.

    Ujësjellësi ka thënë se reduktimet po bëhen për shkak të thatësisë së Liqenit të Badovcit dhe të dëmtimit të gypave të ujit që gjenden në tokë.

    Zëdhënësja e Ujësjellësit, Arjeta Mjeku, ka deklaruar se problemi i kohëzgjatjes së furnizimit me ujë në pikat e larta të Prishtinës vjen si pasojë e rezervuarëve të ujit që shumë ndërtesa e shtëpi i kanë vendosur për mbushje në zonat e ulëta të qytetit.

    “Uji fillimisht shkon në zonën më të ulët, që është Graçanica me rrethinë. Uji shkon së pari në Graçanicë, mirëpo për shkak të konsumit të jashtëzakonshëm të ujit në pikat e ulëta uji mezi ka arritur në pikat e larta. Lusim qytetarët të mos e keqpërdorin ujin e pijshëm, sepse nga keqpërdorimi i tij zonat e larta po e vuajnë mungesën”, është shprehur Arjeta Mjeku.

    Për shkak të reduktimeve, përveç banorëve edhe bizneset po ballafaqohen me probleme të mëdha. Arta Shyti, që ushtron profesionin e frizeres, thekson se është dashur të anulojë shumë terminë si pasojë e mungesës së ujit.

    “Sa u përket reduktimeve, kemi shumë reduktime. Kemi vështirësi edhe në punë siç po e shihni. Dje nuk kemi pasur ujë diku 10 deri në 12 orë, ka ardhë gjysmë ore dhe është ndalë prapë, nuk kemi mbërri as të pastrojmë siç duhet”, ka thënë Arta Shyti, banore e “Bregu të Diellit”.

    Për mungesën e kapacitetit të Ujësjellësit për t’i furnizuar me ujë të gjitha lagjet e Prishtinës, televizioni ka kontaktuar edhe me Autoritetin Rregullator për Shërbimet e Ujit. Në një përgjigje me shkrim është thënë se janë të njoftuar nga Ujësjellësi, por edhe qytetarët për ndaljen e ujit. ARRU-ja ka vënë në dispozicion e-mailin, por edhe numra të telefonit, ku qytetarët mund t’i paraqesin ankesat e veta për këtë.

    “Përveç reduktimeve të planifikuara, nga KRU ‘Prishtina’ jemi njoftuar me kohë edhe lidhur me reduktimet e ujit, të cilat i kanë prekur konsumatorët e zonave të qytetit të Prishtinës, të cilët furnizohen nga Liqeni i Badovcit. Këto ndërprerje kanë qenë dhe vazhdojnë të jenë për arsye të punimeve për ndërrimin e një pjese të gypit kryesor nga Liqeni i Badovcit, pastrimin e filtrave dhe rrjetit si procedurë përcjellëse, si dhe sanimin e disa dëmtimeve në disa pjesë të rrjetit. ARRU është kontaktuar përmes telefonit nga disa konsumatorë, të cilët i kemi informuar rreth gjendjes aktuale të furnizimit me ujë. Qytetarët mund t’i raportojnë shqetësimet e veta në KRU, por edhe në ARRU përmes e-mailit zyrtar [email protected] apo telefonit 038 249 165 lok. 113”, thuhet në përgjigjen e Autoritetit Rregullator për Shërbimet e Ujit.

    Nga Kompania Rajonale e Ujësjellësit si problem e kanë ngritur edhe çështjen e zgjerimit të qytetit të Prishtinës me ndërtime të shumta ngase, sipas tyre, lejet e ndërtimit të cilat i ka dhënë Komuna nuk kanë pasur planifikim paraprak infrastrukturor për kapacitetet e ujit.

    Super oferta nga Sharr Travel/ Vetëm 70€ për person në Hotel VM Resort & Spa 5* në Durrës
    Nga Rubrika
    Lajme01 Mars 2024
    Sot në ora 13:30 Këshilli Qendror i Zgjedhjeve do të mbajë mbledhjen e radhës. Gjatë kësaj mbledhjeje do të shqyrtohet rekomandimi për...
    Lajme01 Mars 2024
    Sot do të mbahet mbledhja e Kryesisë së Kuvendi të Kosovës. Rendi i ditës I. Miratimi i procesverbalit të mbledhjes së mëparshme...
    Lajme01 Mars 2024
    Sot duke filluar nga ora 09:00 do të mbahet seanca ndaj Ministrit të Brendshëm të Kosovës, Xhelal Sveçla. Ai akuzohet për hedhje...
    Të tjera
    Lajme01 Mars 2024
    Sekretari Organizativ në PSD, Nol Nushi ka deklaruar se këtë vit nuk do të ketë zgjedhje në Kosovë. Sipas Nushit, zgjedhje të...
    Lajme01 Mars 2024
    Koordinatorja e Departamentit për Mbrojtje dhe Siguri Kombëtare në kuadër të Kabinetit për Qeverisje të Mirë të PDK-së, Besa Kabashi-Ramaj, mban konferencë...
    Bota/Rajoni01 Mars 2024
    Alexei Navalny do të varroset të premten në Moskë, mes masave të rrepta sigurie, dy javë pas vdekjes së tij të papritur...
    Lajme01 Mars 2024
    Aleanca për Ardhmërinë e Kosovës në bashkëpunim me Forumin Intelektual - Evropa 2023, organizojnë sot tryezën me temë “Gjendja e Arsimit në...
    Bota/Rajoni01 Mars 2024
    43 persona kanë mbetur të vdekur pasi një zjarr shpërtheu në një ndërtesë shumëkatëshe në Bangladesh. Sipas mediave lokale, zjarri filloi në...
    Lajme01 Mars 2024
    Të martën, çështja e dinarit ktheu në tryezën e dialogut Kosovën dhe Serbinë. Por, për dallim nga herët e tjera takimi nuk...

    FrontOnline, © 2024 Të gjitha të drejtat e rezervuara.