Zelanda e Re ka regjistruar 14 raste të reja me koronavirusi gjatë 24 orëve të fundit, teksa të gjitha rastet janë kontakt mes një familje.

Megjithatë autoritetet bëjnë thirrje për kujdes pasi pritet shtim i rasteve të reja, shkruan CNN.

Kryeministrja e Zelandës së Re, Jacinda Ardern, theksoi se përvoja e fituar me COVID-19, i ka mësuar se duhet të jenë më të kujdesshëm tash kur kanë regjistruar raste të reja.

Kujtojmë se Zelanda e Re që nga fillimi i pandemisë ka regjistruar vetëm 1,589 raste pozitive dhe gjithsej 22 viktima.

Regjistrimi i rasteve të reja vjen pas 102 ditëve me radhë pa asnjë rast të ri.