×
  • Lajme
  • Lajme

    Zëdhënësi i VV-së ofron fakte se rritja e rasteve nuk u bë nga tubimi i 12 qershorit

    FrontOnline
    10 Korrik 2020

    Zëdhënësi i Lëvizjes Vetëvendosje, Përparim Kryeziu e ka quajtur Ministrin e Shëndetësisë, Armend Zemaj sfidues të shkencës.

    Kryeziu ka thënë se ministri po kërkon kot fajtorin për gjendjen e krijuar nga koronavirusi, pasi që sipas tij përgjegjësia është e ministrit Zemaj dhe e Qeverisë Hoti.

    “Ministri i Shëndetësisë, që kur e mori detyrën kishte vetëm 241 raste aktive kundruall 1951 raste sa ka sot, sfidon shkencën sepse në vend të zgjidhjeve kërkon fajtorin. Kot kërkon fajtor për gjendjen aktuale me COVID-19, kur pergjegjësia i takon atij dhe qeverisë pjesë e së cilës është. Majde kjo përgjegjësi nuk fillon nga 3 qershori, por që nga 25 marsi”, ka shkruar ai në faqen zyrtare në Facebook.

    Ai gjithashtu ka numëruar studimet shkencore që tregojnë se shpërndarja e virusit në ambiente të jashtme është shumë e vogël. Sipas tij një gjë e tillë është vërtetuar edhe pas protestave të mbajtura në SHBA.

    Postimi i plotë:

    Studimet shkencore nxjerrin për përfundim se shpërndarja e virusit Corona në ambient të jashtëm është i rrallë dhe me gjasa të vogla. Pas hulumtimit të 7,324 rasteve pozitive në 120 qytete të ndryshme, studiuesit kanë gjetur vetëm 1 rast transmetimi në ambient të jashtëm*.

    Studimet shkencore po ashtu dëshmojnë se as protestat masive, madje edhe ato të cilat kanë vazhduar me javë të tëra dhe pa mbajtur distancë fizike siç ka qenë rasti në SHBA, nuk kanë shkaktuar rritje të infektimeve**.

    Kurse ministri i Shëndetësisë, që kur e mori detyrën kishte vetëm 241 raste aktive kundruall 1951 raste sa ka sot, sfidon shkencën sepse në vend të zgjidhjeve kërkon fajtorin.

    Kot kërkon fajtor për gjendjen aktuale me COVID-19, kur pergjegjësia i takon atij dhe qeverisë pjesë e së cilës është. Majde kjo përgjegjësi nuk fillon nga 3 qershori, por që nga 25 marsi.

    Në këtë kohë të vështirë dhe sfiduese, qytetarët e Republikës meritojnë të udhëhiqen nga njerëz të dijshëm, të përgjegjshëm dhe punëtorë. Për katër muaj ata kanë pasur udhëheqës të tillë. Shpejtësia me të cilën kjo qeveri jolegjitime dhe e paaftë ka kthyer mbrapsht gjithçka që Qeveria Kurti ka arritë bashkë me qytetarët në luftimin e pandemisë, ka qenë dhe vazhdon të jetë shokuese dhe vdekjeprurëse. Kjo qeveri ka mësuar shumë shpejt se është shumë e lehtë për të folur dhe kritikuar, por më e vështirë për të punuar dhe vepruar.

    Për hir të jetës dhe shëndetit të të gjithë neve, le të shpresojmë që z. Hoti dhe ministri i Shëndetësisë arrijnë sa më shpejt të formulojnë një strategji të mirëfilltë për parandalimin dhe luftimin e COVID-19, që shkon përtej fajësimit të të tjerëve për të mbuluar dështimet dhe mangësitë e veta.

    Black Friday në NimiTV | 13 muaj abonim për vetëm 6€ muaji
    Nga Rubrika
    Lajme27 Mars 2024
    Ministri i Mbrojtjes, Ejup Maqedonci, ka treguar se fondi për blerjen e sistemit anti-tank “Javelin”, është fond shtesë i ndarë nga qeveria....
    Lajme27 Mars 2024
    Eurodeputeti austriak, Lukas Mandl, ka shprehur qëndrimin e tij se anëtarësimi i Kosovës në Këshillin e Evropës (KiE) duhet të bëhet pa...
    Lajme27 Mars 2024
    Drejtori i Policisë së Kosovës Gazmend Hoxha, ka deklaruar se janë në dijeni se grupet kriminale serbe po përgatiten dhe trajnohen në...
    Të tjera
    Lajme27 Mars 2024
    Kryetari i Partisë Demokratike të Kosovës (PDK), Memli Krasniqi ka propozuar 9 qershorin e këtij viti për mbajtjen e zgjedhjeve parlamentare. “Unë...
    Lajme27 Mars 2024
    Kryetari i PDK-së, Memli Krasniqi, vlerësoi se kryeministri Albin Kurti s’ka bërë asgjë gjatë qeverisjes së tij. “Ne i kemi dhënë kryeministrit...
    Lajme27 Mars 2024
    Ish-ministri i Jashtëm Petrit Selimi, ka reaguar pasi Kosova e kaloi sfidën e parë për t’u bërë anëtar i Këshillit të Evropës....
    Lajme27 Mars 2024
    Kryetari i Istogut, Ilir Ferati, ka shkruar për vdekjen e vëllait të tij, Trimit. Në një postim prekës, Ferati drejtohet me fjalët...
    Lajme27 Mars 2024
    Lidhur me mundësinë e rrezikut të një sulmi të ri nga Serbia, ministri i Mbrojtjes, Ejup Maqedonci, ka theksuar se shqetësimi nuk...
    Lajme27 Mars 2024
    Memli Krasniqi është sonte i ftuar në Presssing dhe tregoi arsyet pse u vendos që Hamza të jetë kandidat i PDK-së për...

    FrontOnline, © 2024 Të gjitha të drejtat e rezervuara.