Bota/Rajoni

VIDEO/ Makinat ushtarake ruse rrethojnë dhe godasin ato amerikane, tension mes dy vendeve

VIDEO/ Makinat ushtarake ruse rrethojnë dhe godasin ato amerikane, tension mes dy vendeve
17:01 | 27 Gusht 2020

Momente nga përplasja mes makinave ushtarake ruse dhe amerikane

Një video e rrallë është publikuar në mediat sociale, ku shihen makinat ushtarake të patrullimit rus dhe amerikan në shkretëtirën e Sirisë.
Një fouristradë ruse duke ecur përplas (me dashje) atë amerikane dhe kaq u desh që gjendja të agravohej mes dy superfuqive të botës dhe të nisin akuzat ndaj njëra-tjetrës.

Rusia ka fajësuar SHBA për pengim të patrullës ruse, ndërsa Këshilli Kombëtar i Sigurisë i Shtëpisë së Bardhë tha që një automjet rus goditi një automjet ushtarak amerikan, duke shkaktuar lëndime të lehta për ekuipazhin e automjetit.

Zëdhënësi i NSC, John Ullyot, dënoi ushtrinë ruse për përplasjen, duke i quajtur veprimet e rusëve si të pasigurta dhe jo profesionale.

SHBA ka rreth 500 trupa në zonë dhe  ndihmon aleancën e Forcave Demokratike Siriane (SDF) të udhëhequr nga kurdët, ndërsa Rusia, që prej fillimit të kon fliktit në Siri, ka mbëshrtetur me armatime dhe foca ushtarake Presidentin sirian Bashar al-Asad që luftojnë me grupe të ndryshme rebele, përfshirë ISIS.

Prince Caffe: Hape dhe fito preminë kryesore, çdo muaj nga një Fiat 500

Të tjera