Presidenti i vendit, Hashim Thaçi, ka mbajtur konferencë për medie pas votimit të Qeverisë “Hoti”, me 61 vota për dhe 24 kundër, në Kuvendin e Kosovës.

Presidenti u është adresuar qytetarëve, për t’i uruar ata për formimin e qeverisë “Hoti”, raporton Front Online.

“Dëshiroj që të uroj qytetarët për qeverinë e re. Të uroj deputetët për votimin e qeverisë ‘Hoti’. Është një ditë e rëndësishme pasi që u vendos edhe një gur në themelon e demokracisë së vendit”, tha Thaçi.

Për Presidentin është e rëndësishme zotimi i kryeministrit Avdullah Hoti për vazhdimin e dialogut me Serbinë, si dhe për vazhdimin e bashkëpunimit me ShBA-të dhe me BE-në, raporton tutje Front Online.

“Tani më nuk kemi kohë që të humbasim, por duhet që të punojmë për sfidat që kemi para nesh. Përshëndetës përkushtimin e tij për vazhdimin e dialogut me Serbinë, për vazhdimin e bashkëpunimit me Amerikën si dhe për rrugën drejt BE-së. Detyra që ka marr sot Qeveria kërkojnë përgjegjësi të plotë”, ka thënë ai duke uruar Hotin për marrjen e detyrës”, tha Thaçi, raporton Front Online.

Ai ka folur edhe për lirimin e pozitës së kryeministrit nga Kurti.

“Nga Albin Kurti kërkohet që të jepet në mënyrë sa më të lehtë pranim-dorëzimi i detyrës së kryeministrit. Poashtu nga ai kërkoi që edhe ta liroj pozitën e uzurpuar të Zyrës së Kryeministrit”, ka thënë Thaçi./Front Online/

https://www.facebook.com/FrontOnlineMedia/videos/703770580441082/