×
  • Bota/Rajoni
  • Bota/Rajoni

    Si filloi COVID-i, nga rastet e para në Wuhan e deri në një milion viktima në të gjithë botën

    FrontOnline
    29 Shtator 2020

    Deri më tani mbi një milion njerëz në të gjithë  botën kanë humbur jetën nga COVID-19, gjashtë muaj pasi kjo sëmundje u kthye në pandemi.

    Sipas Sky News, qyteti Wuhan në provincën kineze Hubei ishte në fokus të botës, pasi rastet e para të pneumonisë misterioze u shfaqen në fund të dhjetorit të vitit të kaluar, që më 8 janar u konfirmuan si raste me COVID-19.

    Tentimet për të parandaluar përhapjen e virusit në qytetin me 11 milionë banorë dështuan në fund të janarit, por kjo sëmundje u përhap në çdo provincë kineze dhe për këtë u shpall “emergjencë e shëndetit publik” nga Organizata Botërore e Shëndetësisë.

    Zyrtarisht, Kina ka regjistruar mbi 90 mijë raste me COVID-19 dhe afro 5 mijë vdekje, por kritikët besojnë se numri i tyre është shumë më i madh.

    Pavarësisht se shumica e personave që kanë humbur jetën nga COVID-19 ishin të moshuar, në Wuhan ka pasur shumë raste të vdekjeve që kanë prekur edhe të rinjtë siç ishte rasti i Tian Yuxi, i cili ishte vetëm 24-vjeç kur ndërroi jetë në fillim të shkurtit.

    Derisa u mendua se pas izolimit total të Wuhanit do të ndalet përhapja e koronavirusit, nuk ndodhi ashtu  rasti i parë jashtë Kinës u raportua në Filipine. Pa kaluar shumë kohë vazhdoi “rrugëtimin” drejt Evropës, ku rasti i parë u regjistrua në Francë.

    Për muaj të tërë Evropa u konsiderua epiqendra e virusit pas Kinës, e sikur kjo të mos mjaftonte, koronavirusi arriti përtej atlantikut, duke bërë që SHBA-të të goditen rëndë  për të vazhduar në Brazil.

    Fakte interesante se si gjithçka filloi:

    Më 11 janar  u raportua vdekja e parë,  një 61-vjeçar nga Wuhani i Kinës.

    Më 23 janar u raportuan 18 vdekje, Wuhani bëhet vendi i parë në botë që aplikon masën e izolimit total.

    Më 30 janar raportohen 171 vdekje, OBSH-ja e shpall emergjencë globale në 18 shtete (jashtë Kinës).

    Më 2 shkurt raportohet vdekja e parë nga COVID-19 jashtë Kinës – bëhet fjalë për një burrë 44-vjeç nga Filipinet.

    Më 15 shkurt regjistrohet vdekja e parë në Evropë , një turist kinez që kishte shkuar në Francë.

    Më 11 mars raportohen 4.611 raste të vdekjeve nga COVID-19 në mbarë botën, OBSH-ja e shpall pandemi.

    Më 13 mars, epiqendra e koronavirusit zhvendoset në Evropë.

    Më 20 mars regjistrohen mbi 10 mijë vdekje në mbarë botën.

    E derisa në Evropë virusi po bënte kërdinë dhe kishte detyruar shtetet të aplikojnë izolimin total, më 26 prill koronavirusi u zhvendos në SHBA.

    Më 31 prill SHBA-të tejkalojnë Kinën, për nga numri i të infektuarve dhe viktimave të COVID-19.

    Më 26 maj, numri i të vdekurve shkon në mbi 100 mijë.

    Më 19 qershor, koronavirusi përhapet nëpër Amerikën Latine, ku vetëm në Brazil numri i të prekurve shkoi në mbi një milion.

    Më 8 korrik si rezultat i mospajtimeve rreth trajtimit të pandemisë, SHBA-të tërhiqen si anëtare të OBSH-së.

    Më 6 gusht numri i rasteve me COVID-19 në Afrikë shkoi në mbi një milion.

    Më 7 gusht, Meksika bëhet vendi i tretë në botë për nga numri i viktimave nga koronavirusi  me 50 mijë.

    Më 11 gusht, Rusia pretendonte se kishte zhvilluar vaksinën e parë kundër COVID-19, por ekspertët kanë dyshime për këtë.

    Më 16 gusht, Italia rikthen masat kufizuese nga frika se Evropa mund të goditet nga vala e dytë e COVID-19.

    Më 25 gusht, Gaza aplikoi masën e izolimit total pavarësisht se prej muajsh mbante të mbyllur kufijtë.

    Më 26 gusht, India regjistroi numrin më të madh të rasteve ditore në botë.

    Më 27 gusht, Peruja tejkalon Belgjikën për nga numri i rasteve ditore.

    Më 5 shtator fillon aplikimi i izolimit total lokal dhe masat e reja kufizuese në Britani të Madhe nga frika e valës së dytë të COVID-19.

    (Top Channel)

    Nga Rubrika
    Bota/Rajoni28 Maj 2025
    Kreu i PD ka reaguar ndaj spekulimeve për mundësinë e dorëheqjes pas rezultatit të zgjedhjeve parlamentare të 11 Majit, duke theksuar se...
    Bota/Rajoni28 Maj 2025
    Prej disa ditësh, rrjetet sociale dhe mediat online janë pushtuar nga një moment i pazakontë mes presidentit francez Emmanuel Macron dhe bashkëshortes...
    Bota/Rajoni27 Maj 2025
    Izraeli akuzon OKB-në se nuk ka mbledhur ndihmë humanitare që grumbullohet në kufirin e Gazës Koordinatori i Ministrisë së Mbrojtjes së Aktiviteteve...
    Të tjera
    Kronika28 Maj 2025
    Dy persona janë arrestuar dje në Gjakovë, me dyshimin se kanë ushtruar dhunë fizike ndaj dy grave. Sipas policisë, viktimat kanë pranuar...
    Kronika28 Maj 2025
    Një mjet shpërthyes është gjetur dje në Han të Elezit. Një person ka raportuar në Polici se në hapësirën e jashtme ka...
    Artikull i Sponsoruar28 Maj 2025
    Petrol Company, një nga kompanitë më të mëdha në tregun e derivateve, ka krijuar tashmë një traditë të njohur për lojërat shpërblyese...
    Lajme28 Maj 2025
    Lidhja e Bizneseve të Kosovës (LBK) ka reaguar me shqetësim ndaj vendimit të Zyrës së Rregullatorit për Energji (ZRrE) për përjashtimin e...
    Lajme28 Maj 2025
    Jeton dhe Nexhat Vllasaliu, të akuzuar për rastin e vrasjes së biznesmenit nga Prishtina, Bedri Rexhepi, janë dënuar me burgim të përjetshëm....
    Lajme28 Maj 2025
    Eksperti  i çështjeve të sigurisë, Avni Islami, për FrontOnline  ka folur pas raportimeve nga mediat ndërkombëtare se Britania e Madhe po shqyrton...
    -->

    FrontOnline, © 2025 Të gjitha të drejtat e rezervuara.