Lajme

Si do të ndalen abuzimet nëse privatët bëjnë teste për COVID-19? Çfarë i thotë Zemaj deputetit

Si do të ndalen abuzimet nëse privatët bëjnë teste për COVID-19? Çfarë i thotë Zemaj deputetit
13:55 | 09 Korrik 2020

Ministri i Shëndetësisë, Armend Zemaj, ka folur për bërjen e testeve për COVID-19 në spitalet private në Kosovë. I pyetur nga deputeti i VV-së, Hajrullah Çeku, se a ka rrezik që të ketë keqpërdorime nga ana e spitaleve private për kryerjen e testimeve për COVID-19, Zemaj ka deklaruar se Plani i Veprimit i cili përfshin edhe licencimin e spitaleve private për kryerjen e testit COVID-19 është miratuar në Qeverinë e Kosovës. Ai ka thënë se spitalet private do të veprojnë të gjitha njësoj në bazë të kushteve dhe kritereve specifike që duhet t’i plotësojë një institucion privat shëndetësor për të vepruar.

“Duke iu referuar kërkesave në rritje për testim si dhe kapaciteteve që ofron IKSHPK-ja, me qëllim që ky shërbim të jetë sa më i qasshëm, IKSHPK-ja ka rekomanduar në MSH që t’u jepet qasje për testim edhe spitaleve private në vend. Aktualisht MSH-ja është duke e analizuar bazën ligjore për licencim për institucione private shëndetësore të cilat do të kryejnë testime për COVID-19. MSh-ja ka bërë planin e veprimit, sot është miratuar në Qeverinë e Kosovës”, ka thënë Zemaj.

“Me miratimin e planit në Qeveri, MSH-ja do t’i përcaktojë kushtet që do t’i plotësojë një institucion privat për t’u licencuar. Unë mund të ju garantoj se jashtë bazës shkencore dhe ligjeve nuk do të bëhet asgjë”, ka deklaruar Zemaj.

Ambasadorja e parë e Izraelit në Kosovë, e impresionuar me punën në Comodita

Të tjera