Shkencëtarët tregojnë se me çfarë probleme janë ballafaquar rreth një e treta e rasteve të rënda me COVID-19

Rreth një e treta e rasteve të rënda të COVID-19 kanë pasur forma të rrezikshme të trombozës, që mund të jetë një faktor që kontribuon në shkallën e vdekshmërisë midis pacientëve, pretendojnë shkencëtarët.

Tromboza, pra mpiksja e gjakut, shkakton inflamacionin e mushkërive që paraqet një reagim natyral të trupit ndaj coronavirusit, kurse frekuenca jashtëzakonisht e lartë e koagulimit të gjakut tek pacientët e shtrirë në spital për COVID-19, është vërejtur gjatë marsit, transmeton Telegrafi.

Për më tepër, është vërejtur formimi i qindra mpiksjeve të vogla në mushkëri të disa pacientëve, kurse coronavirusi ka shkaktuar edhe një numër të shtuar të rasteve të trombozës që potencialisht ka qenë fatale.

Përveç kësaj, disa studime tregojnë se antikoagulantët që aktualisht përdoren për të parandaluar trombozën nuk janë gjithmonë efektive, në anën tjetër, një rritje e konsiderueshme e dozës së këtyre agjentëve mund të qojë në një gjakderdhje të rëndë.

Kjo edhe është arsye se pse antikoagulantët po testohen, kurse një ekspert nga Britania e Madhe paralajmëron se ekziston një linjë e hollë midis thyerjes së suksesshme të mpiksjes së gjakut dhe shkaktimit të gjakderdhjes potencialisht fatale.

“Petrol Company” ndihmon më shumë se 200 familje për festën e Fitër Bajramit (VIDEO)

Sponsoruar