Sejdiu thotë se LDK përmendi edhe votën e tij pavarësisht se nuk u ftua fare të votojë në procesin ndaj Vjosa Osmanit

Ish-presidenti i Kosovës dhe ish-kryetari i LDK-së, Fatmir Sejdiu ka komentuar zhvillimet e fundit brenda LDK-së.

Sejdiu në “Debat Plus” me Ermal Pandurin në RTV Dukagjini ka thënë se largimi i Vjosa Osmanit nuk i bënë nder LDK-së.

“Kjo në një formë apo tjetër hap derën e “shkopit” për secilin që ka mendime të ndryshme për çështje të caktuara”, tha ai.

Ai thotë se ka tema që megjithatë zonja Osmani të kishte qasje të caktuara.

“Edhe nënkryetari tjetër [Lutfi Haziri] ka pasur qëndrime të caktuara për ndryshimin e kufijve”.

Sejdiu thotë se pavarësisht se është anëtarë i Këshillit të Përgjithshëm nuk është ftuar për të votuar në rastin e përjashtimit të Vjosa Osmanit.

“Ndoshta e kanë ditur qëndrimin tim për atë çështje dhe nuk jam ftuar në proces”.

Ish-kryetari i LDK-së thotë se vota e tij është llogaritur në mesin e personave që nuk i janë përgjigjur votimit pavarësisht se thotë që nuk është ftuar për votim.

Apliko online për kredi në IBAS, përfito subvencionim nga Qeveria

Sponsoruar