×
  • Bota/Rajoni
  • Bota/Rajoni

    Qytetarët në Maqedoninë e Veriut kundërshtojnë shtrenjtimin e energjisë elektrike

    FrontOnline
    15 Gusht 2020

    Vendimi i Komisionit Rregullator për Energjetikë për shtrenjtimin e energjisë elektrike për 7.4 për qind, vazhdon të kundërshtohet me sektori civil dhe qytetarë të shumë në Maqedoninë e Veriut, të cilët po mbështesin protestat me kërkesën për anulimin e vendimit, por edhe shuarjen e trupit rregullator, të cilën e akuzojnë se punon në favor të kompanive energjetike, EVN-së që merret me shitjen e energjisë dhe MEPSO-së, kompani shtetërore për shpërndarjen e energjisë elektrike.

    Në qytetet e Shkupit, Kumanovës, Tetovës, Kërçovës e Dibrës, edhe të premten janë organizuar protesta, ndërsa në Tetovë gjatë natës të së premtes janë djegur dy automjete të kompanisë EVN.

    “Kërkojmë nga kuvendi që të krijojë një trup të pavarur në shërbim të qytetarëve, që do të ketë për mision verifikimin e cilësisë së shërbimeve të kompanive energjetike. Të hetojë e të adresojë të gjitha ankesat e qytetarëve ndaj këtyre dhe korporatave të ngjashme zhvatëse si këto. Të anulojë kamatat e qytetarëve dhe t’i mbrojë konsumatorët nga skemat e kamatave që i ngarkohen atyre”, ka deklaruar Krenar Osmani nga Këshilli organizativ i protestave.

    Qytetarët thonë se është koha që t’i jepet fund faturave të larta të kompanisë energjetike, e cila gjatë pandemisë, sipas tyre, po godet edhe më shumë standardin e ulët jetësor.

    “Më shumë para jemi duke dhënë për EVN-në sesa për ushqime dhe nevoja tjera. Çdo fitim që po bëjmë po duhet t’i japim EVN-së. Çmimet janë shumë të larta dhe nuk mund më t’i përballojmë, pasi shumica e njerëzve jetojnë me ndihma sociale. Marrim ndihmë prej 2 mijë denarëve (rreth 35 euro) ndërsa fatura për energji vjen 6 mijë denarë (afër 100 euro)”, thotë Adnan Selmani, banor i Shkupit.

    Kryetari i Komisionit Rregullator për Energjetikë, Marko Bislimovski, thotë për “Radion Evropa e Lirë” se vendimi për shtrenjtimin e energjisë elektrike nuk është për të favorizuar kompanitë, por detyrim për mirëmbajtjen e rrjetit të furnizimit të energjisë elektrike dhe i bazuar në kërkesën e kompanive për investime në këtë sektor. Ai thotë se me këtë rritje kompanitë nuk do të ketë profit, por as humbje.

    “Vendimi është miratuar në përputhje me rregulloren tonë dhe në përputhje me situatën në sektorin e energjisë elektrike. E vetmja gjë me të cilën jemi marrë në këtë vit krize është që kompanitë të mos përfundojnë me një fitim, por të përfundojnë në një zero pozitive. Thjesht për të përfunduar projektet e filluara për të cilat tashmë janë marrë kredi. Kjo do të thotë që ne bëmë gjithçka si Komisioni Rregullator i Energjisë për të parandaluar rritjen e energjisë elektrike. Fatkeqësisht, kjo ishte maksimumi që mund të bënim. Pra, në mënyrë që këto rrjete të funksionojnë, ato duhet të mirëmbahen dhe të jenë në funksion të ekonomisë dhe në dobi të qytetarëve”, thotë Bislimovski.

    Institucionet thonë se çmimi i energjisë elektrike në Maqedoninë e Veriut është më i ulët krahasuar me vendet e rajonit. Pas vendimit për shtrenjtim, tani amvisëritë për një kilovat orë energji elektrike duhet të paguajnë 4.49 denarë, çmim ky që sipas institucioneve është për 26 për qind më i ulët se çmimi në tregun e lirë./REL/

    Prince Coffee House tani edhe në Vjenë të Austrisë
    Nga Rubrika
    Bota/Rajoni14 Prill 2024
    Shefi i politikës së Jashtme të BE-së, Josep Borrell tha se Bashkimi Evropian e dënon fuqishëm sulmin e Iranit kundër Izraelit, shkruan...
    Bota/Rajoni13 Prill 2024
    Mbretëria e Bashkuar ka dënuar sulmin e Iranit ndaj Izraelit, tha kryeministri i Mbretërisë së Bashkuar Rishi Sunak në një deklaratë të...
    Bota/Rajoni13 Prill 2024
    Ministri i Jashtëm izraelit Israel Katz, bëri thirrje për unitet, pasi Irani nisi një sulm kundër Izraelit. “Ne të gjithë duhet të...
    Të tjera
    Lajme13 Prill 2024
    Mediat izraelite kanë njoftuar se Irani ka nisur dronë drejt Izraelit. Kjo është konfirmuar nga zëdhënësi i Forcave Mbrojtëse të Izraelit, Daniel...
    Bota/Rajoni13 Prill 2024
    Autoriteti Rregullator i Aviacionit Civil Jordanez ka njoftuar të shtunën se hapësira ajrore e vendit do të mbyllet përkohësisht për të gjithë...
    Lajme13 Prill 2024
    Në organizimin e aktivisteve të shoqërisë civile nga Ferizaj së bashku me përfaqësues nga Komuna e Ferizajt, Policia e Kosovës, përfaqësues nga...
    Lajme13 Prill 2024
    Me qëllim të marrjes së propozimeve vërejtjeve dhe rekomandimeve, Komisioni parlamentar për media, mbajti në Pejë dëgjim publik për projektligjin për KPM-në....
    Lajme13 Prill 2024
    Ministrja e Drejtësisë, Albulena Haxhiu, ka reaguar perseri pas vrasjes së Erona Coklit, 21-vjeçares, nga ish-bashkëshorti i saj në Ferizaj dje, në...
    Lajme13 Prill 2024
    I dërguari i Bashkimit Evropian për Ballkanin Perëndimor, Miroslav Lajçak, ka marrë pjesë në Forumin e Delfit në Greqi. Ai aty ka...

    FrontOnline, © 2024 Të gjitha të drejtat e rezervuara.